Taapsee Pannu : बॅालवूडची प्रतिभावान अभिनेत्री म्हणून तापसी पन्नूकडे पाहिले जाते. सध्या ती अस्सी या चित्रपटामुळे चर्चेत आहे. २० फेब्रुवारीला हा चित्रपट प्रदर्शित झाला असून, प्रेक्षकांकडून उस्फुर्त प्रतिसाद मिळत आहे. या चित्रपटाचे दिग्दर्शक थप्पडफेम दिग्दर्शक अनुभव सिन्हा यांनी केले आहे. चित्रपटाची कथा महिलांवरील होणाऱ्या अत्याचाराला वाचा फोडणारी आहे. हा चित्रपट कोर्टरुम ड्रामा आहे. अभिनेत्री तापसीने पुन्हा एकदा या चित्रपटातून आव्हानात्मक भूमिकेतून प्रेक्षकांच्या भेटीला आली आहे. चित्रपटाच्या निमित्ताने ती विविध ठिकाणी मुलाखत देत असून, अशाच एका मुलाखतीत तापसीने कंगणा राणौत वादावर विचारलेल्या प्रश्नावर अत्यंत संयतपणे उत्तर दिले आहे. खरंतर तापसी पन्नू आणि कंगणा राणौत या दोन बॉलीवूडील प्रसिद्ध अभिनेत्री आहेत. या अभिनेत्रींनी स्वतःची एक वेगळी ओळख निर्माण केली आहे. दोघीही त्यांच्या दमदार अभिनयासाठी चर्चेत असतात. मात्र, दोघींमध्ये वाद असल्याच्या चर्चा सतत होतात. यावर तापसीने खुलासा करत तिची बाजू मांडली आहे. तापसी म्हणाली, तिच्याकडून कोणताही संघर्ष किंवा वैर नाही. शिवाय ती कंगणाला तिच्यापेक्षा वरिष्ठ मानते आणि तिच्याशी मैत्री करण्यासही तयार आहे. वादाचे कारण काय? कंगणाच्या बहिणीने तिला “स्वस्त कॉपी”, “बी-ग्रेड अभिनेत्री” आणि “शी-मॅन” अशा प्रकाराचे हिणवणारे विधान केले होते. त्यानंतर दोघेहीमध्ये वाद सुरू झाल्याचे सांगितले जाते. वादावर भाष्य करताना तापसी म्हणाली, “मला माहित नाही की मी कधी भांडले आहे की नाही. जेव्हा दोन लोक एकमेकांशी भांडतात तेव्हा भांडण होते. मी कधीच तसे केले नाही.” असा खुलासा तिने केला. पुढे बोलताना तापसी म्हणाली, “मला सांगा, मी कधी तिच्याविरुद्ध एकही शब्द बोललो आहे का? जिथे मी तिच्याविरुद्ध काही बोलले आहे ते मला दाखवा, ” असे आव्हान तिने दिले. तापसी पन्नू कंगणासोबत मैत्री करण्यास तयार तापसी आणि कंगणा राणौत या दोन प्रतिभावान अभिनेत्री एकत्र आल्या तर ते खरोखरच आश्चर्यकारक होईल. तापसी म्हणाली, “हे निश्चितच शक्य आहे.” कदाचित कोणाला वाटत असेल की दोन उत्तम अभिनेत्री एकत्र काम करू इच्छित नसतील. कंगणाशी मैत्री करण्याबद्दल विचारले असता, तापसी पन्नू स्पष्टपणे म्हणाली, “मी तयार आहे.” त्यामुळे आता यावर कंगणाकडून काय प्रतिक्रिया येते हे पाहणे लागेल. हेही वाचा : Assi Vs Do Deewane Seher Mein Day 1 Collection: ओपनिंग डे वर ‘दो दीवाने सहर में’ची आघाडी; तापसीच्या ‘अस्सी’ची मंद सुरुवात
