Gold Silver Price Today: युद्धाच्या पार्श्वभूमीवर सोने-चांदीची चमक फिकी ; सोन्याचे भाव ₹३,२०० ने तर चांदी इ’तक्या’ रुपयांनी घसरली

Gold Silver Price Today: देशांतर्गत वायदे बाजारात आज सोने आणि चांदीच्या दरात मोठी घसरण होत आहे. सोने आणि चांदी या दोन्हीच्या किमती घसरल्या आहेत. मल्टी कमोडिटी एक्सचेंज (MCX) वर ५ जून, २०२६ रोजी मुदत संपणाऱ्या सोन्याच्या वायद्यांमध्ये अंदाजे ₹३,२०० ची घसरण झाली होती.

MCX वर सोन्याचे वायदे प्रति १० ग्रॅम ₹१,५२,४९० वर उघडले. शेवटच्या व्यवहार दिवशी, सोने ₹१,५३,७०८ वर बंद झाले. सकाळी सुमारे ९:५५ वाजता, सोन्याचे वायदे २.०९ टक्क्यांनी घसरून ₹१,५०,४९५ वर व्यवहार करत होते.

सुरुवातीच्या व्यवहारात सोन्याच्या वायद्यांनी ₹१,५२,४९० चा उच्चांक गाठला होता. आज हे मौल्यवान धातू खरेदी करण्यासाठी आज भाव जाणून घेणं महत्वाचं ठरणार आहे.

चांदीचा भाव Gold Silver Price Today:

एमसीएक्सवर (MCX) ५ मे २०२६ रोजी मुदत संपणाऱ्या चांदीचा भाव २,४३,५०१ रुपये (प्रति किलो) होता, जो ४.९०% किंवा सुमारे ११,९०० रुपयांनी घसरला आहे. दिवसाच्या व्यवहाराची सुरुवात चांदीने २,४२,८०० रुपयांवर केली होती. दिवसाच्या व्यवहारादरम्यान चांदीचा उच्चांक २,४२,८०० रुपये होता.

दिल्लीमध्ये आज १० ग्रॅम चांदी २,५५१ रुपयांना विकली जात आहे. १०० ग्रॅम चांदी खरेदी करण्यासाठी ग्राहकांना २५,५१० रुपये खर्च करावे लागतील. चेन्नईमध्ये १० ग्रॅम चांदीचा भाव २,५५० रुपये आहे. मुंबई आणि कोलकातामध्ये १० ग्रॅम चांदीचा भाव २,५०० रुपये असेल.