PNG Jewellers: 1832 पासूनचा समृद्ध वारसा जपणारा भारतातील एक अग्रगण्य दागिन्यांचा ब्रँड ’पीएनजी ज्वेलर्स’ने अभिनेता रणबीर कपूर याची नवा ब्रँड ऍम्बेसेडर म्हणून नियुक्ती केली आहे. परंपरेची जाण, आकर्षकता आणि विश्वासार्हता यांचा सहज संगम असलेला रणबीर कपूर ’पीएनजी ज्वेलर्स’च्या प्रवासातील एक रोमांचक नवा अध्याय ठरणार असून, यामुळे ब्रँडची राष्ट्रीय पातळीवरील उपस्थिती अधिक भक्कम करणार आहे. महाराष्ट्राच्या मातीतून सुरू झालेले आणि आज भारतासह आंतरराष्ट्रीय स्तरावर आत्मविश्वासाने विस्तार करत असलेले ’पीएनजी ज्वेलर्स’ डॉ. सौरभ गाडगीळ यांच्या नेतृत्वाखाली कार्यरत आहे. या सहकार्याचा मुख्य उद्देश राष्ट्रीय स्तरावर ब्रँडची दृश्यमानता वाढवणे, विश्वास अधिक दृढ करणे आणि एंडोर्समेंट्स, अॅडव्होकेसी तसेच ब्रँड-नेतृत्वाखालील उपक्रमांद्वारे ’पीएनजी ज्वेलर्स’चा वारसा अधिक व्यापकपणे पोहोचवणे हा आहे. रणबीर कपूर म्हणाला, पीएनजी ज्वेलर्स हा पिढ्यान्पिढ्यांचा वारसा जपणारा आणि विश्वास व मूल्यांवर उभा असलेला ब्रँड आहे, ज्याचा मी मनापासून आदर करतो. ’पीएनजी ज्वेलर्स’चे अध्यक्ष आणि व्यवस्थापकीय संचालक डॉ. सौरभ गाडगीळ म्हणाले, रणबीर कपूर यांचे व्यक्तिमत्त्व परंपरेचा आदर राखत आधुनिकतेकडे आत्मविश्वासाने वाटचाल करणारे आहे. जसा पीएनजी ज्वेलर्सने आपल्या मुळांशी निष्ठा राखत काळानुसार स्वतःला विकसित केले आहे, तसेच रणबीर कपूरने एका आयकॉनिक वारशाला प्रामाणिकपणे आणि सुसंगततेने पुढे नेले आहे. ही भागीदारी केवळ दृश्यमानतेपुरती मर्यादित नसून, समान मूल्ये आणि भविष्याकडे पाहणार्या सामायिक दृष्टीकोनावर आधारित आहे.
