Pune Porsche Accident : पुण्यातील कल्याणी नगर भागात २०२४ मध्ये झालेल्या पोर्श कार अपघातातील (Pune Porsche Accident) आरोप असलेल्या अल्पवयीन मुलाच्या वडिलांना सर्वोच्च न्यायालयाने मंगळवारी जामीन मंजूर केला आहे. न्या. बी. व्ही. नागरत्ना आणि उज्जल भुयान यांच्या खंडपीठाने विशाल अग्रवालला हा जामीन मंजूर केला आहे. विशाल अग्रवालने अल्पवयीन मुलाच्या रक्ताच्या नमुन्यांची अदलाबदल केल्याचा आरोप आहे. आम्हाला लक्षात आहे की, अपीलकर्ता गेल्या २२ महिन्यांपासून तुरुंगात आहे. या प्रकरणातील सहआरोपींना दिलासा मिळाला आहे. अपीलकर्त्याने जामिनासाठी अर्ज दाखल केला आहे. ट्रायल कोर्टाच्या अटी आणि शर्तींच्या अधीन राहून जामीन मंजूर केला आहे, असे खंडपीठाने म्हटले. राज्य सरकारने हा जामीन मंजूर करण्यास विरोध केला आणि इतर सह-आरोपींशी समानतेचा आधार अग्रवालच्या खटल्याला लागू होणार नसल्याचे म्हटले. तथापि, याचिकाकर्त्याने प्रत्यक्ष किंवा अप्रत्यक्षपणे साक्षीदारांशी संपर्क साधण्याचा कोणताही प्रयत्न करू नये. अटींचे कोणतेही उल्लंघन केल्यास राज्य सरकार जामीन रद्द करण्याची मागणी करू शकेल. आम्ही संबंधित ट्रायल कोर्टाला लवकरात लवकर खटला पूर्ण करण्याचे निर्देश देतो, असे खंडपीठाने आदेश दिले.
