बिबवेवाडी : निवडणुकीच्या पार्श्वभूमीवर सध्या प्रचाराला वेग आला आहे. राष्ट्रवादी काँग्रेसचे उमेदवार प्रचारासोबतच विविध सोसायट्यांमधील रहिवाशांच्या समस्या जाणून घेताना दिसत आहेत. शंकर महाराज मठ-बिबवेवाडी, प्रभाग क्रमांक २० मधील राष्ट्रवादी काँग्रेस पक्षाचे अधिकृत उमेदवार गौरव घुले, प्रितम नागापुरे, अस्मिता शिंदे आणि रश्मी अमराळे यांनी विविध सोसायट्यांमध्ये प्रचार मोहीम राबवली. या उपक्रमात भाग्यश्री सोसायटी, अनिकेत सोसायटी, पारिजात सोसायटी, विष्णु विहार सोसायटी, कुमार पार्क, झाला सोसायटी, १००८ पार्श्वनाथ जिनालय सोसायटी, निरंत कोंडोनिअम आणि अनंत वसाहत या सोसायट्यांचा समावेश होता. या सोसायट्यांमधील अंतर्गत रस्ते, पाणीपुरवठा, कचरा व्यवस्थापन आणि सुरक्षितता अशा विविध विषयांवर प्राधान्याने लक्ष देण्याची गरज प्रतिनिधींनी व्यक्त केली. या मोहिमेत रविंद्र कांबळे, पंकज देशमुख, राजेंद्र पवार, दत्ता मुळे, महेश भागवत आणि प्रशांत गोंजारे यांच्यासह अनेक मान्यवर आणि कार्यकर्ते उपस्थित होते. राष्ट्रवादीचे उमेदवार केवळ प्रचारासाठी न येता, आपल्या समस्याही जाणून घेत असल्यामुळे रहिवाशांनी याबाबत समाधान व्यक्त केलं. यावेळी विविध प्रश्नांवर चर्चाही झाली.या दौऱ्यामुळे सोसायट्यांमधील नागरिकांमध्ये उत्साहाचे वातावरण असून, अशा प्रकारच्या उपक्रमांमुळे प्रशासकीय कामे मार्गी लागण्यास मदत होईल, अशी भावना नागरिकांनी व्यक्त केली.
