पुणे – पुणे जिल्ह्यातील सहकारी बँकांमध्ये कार्यरत कर्मचार्यांचे नेतृत्व करणारी व मान्यताप्राप्त असलेली बँक कर्मचारी संघ यांची 2025 ते 2027 या कालावधीसाठीची निवडणूक बिनविरोध पार पडली. या निवडणुकीनंतर संघटनेची नवी कार्यकारिणी जाहीर करण्यात आली. सदर कार्यकारिणीची घोषणा संघटनेचे मुख्य सल्लागार दीपकभाऊ मानकर यांच्या मार्गदर्शनाखाली करण्यात आली. संघटनेच्या जनरल सेक्रेटरी पदी सुनील अरविंद देसाई, अध्यक्षपदी गिरीश ज्ञानोबा मेंगे यांची निवड करण्यात आली आहे. खजिनदारपदी नितिन देशमुख, तर प्रमुख सल्लागार म्हणून दिपकभाऊ मानकर, विद्याधर अनासकर व सल्लागार भरत (अण्णा) पासलकर यांची नियुक्ती करण्यात आली आहे. जॉईंट सेक्रेटरी म्हणून प्रमोद ईश्वर जाधव, भाऊ ज्ञानोबा तुपे, संजय पायगुडे व मंगेश पवार यांची निवड करण्यात आली आहे. तसेच संघटक सचिव म्हणून रवींद्र मुरलीधर जोशी, राजेंद्र सदाशिव पवार, धीरज वरुडे, प्रमोद कांबळे, शिवाजीराव ठोंबरे, जितेंद्र पवार, अनंत कुसुरकर व उमेश समुद्र यांची नियुक्ती करण्यात आली आहे. प्रमुख वरिष्ठ उपाध्यक्षपदी सचिन कदम यांची नियुक्ती करण्यात आली असून, नवनियुक्त कार्यकारिणीवर संघटनेच्या सदस्यांनी विश्वास व्यक्त केला आहे. नवनियुक्त पदाधिकार्यांनी सहकारी बँक कर्मचार्यांच्या हक्कांसाठी, न्याय वेतनकरार, सेवाशर्ती व सुरक्षिततेसाठी संघटना अधिक प्रभावीपणे काम करेल, असा विश्वास व्यक्त केला. या बिनविरोध निवडीबद्दल संघटनेच्या सर्व पदाधिकार्यांचे व सदस्यांचे अभिनंदन करण्यात येत आहे, असे सुनिल अरविंद देसई, जनरल सेक्रेटरी, बँक कर्मचारी संघ (इंटक), पुणे, यांनी कळविले आहे.
