प्रभात वृत्तसेवा पारगाव – दौंड तालुक्याचे स्व. माजी आमदार राजारामबापू ताकवणे यांचा २६ वा स्मृतीदिन पारगाव येथील श्री लीला लॉन्स या ठिकाणी उत्साहात पार पडला. दौंड इंडस्ट्रियल डेव्हलपमेंट फाउंडेशन व स्वर्गीय आमदार राजारामबापू ताकवणे प्रतिष्ठान दौंड तालुका यांच्या संयुक्त विद्यमाने मोफत नेत्र तपासणी, मोतीबिंदू शस्त्रक्रिया व रक्तदान शिबिराचे आयोजन करण्यात आले होते. यावेळी मान्यवरांच्या उपस्थितीत स्व. माजी आमदार राजारामबापू ताकवणे यांच्या प्रतिमेचे पूजन करण्यात आले. त्यानंतर तालुका कृषी उत्पन्न बाजार समितीचे माजी संचालक संभाजी ताकवणे, माजी सरपंच सोमनाथ ताकवणे, सुनील ताकवणे यांनी प्रथम रक्तदान करून शिबिरास सुरुवात झाली. या वेळी पंचायत समिती माजी उपसभापती सयाजी ताकवणे, सरपंच सुभाष बोत्रे, माजी सरपंच सर्जेराव जेधे, तानाजी दिवेकर, संभाजी ताकवणे, राम गाडेकर, रा. वि. शिशुपाल, रमेश बोत्रे, विष्णू खराडे, राजाभाऊ कदम, तुकाराम शितोळे, महेश ताकवले यांनी मनोगत व्यक्त केले. तसेच पारगाव ग्रामपंचायत व पारगाव वि. का. सेवा सोसायटी यांना स्व. माजी आमदार राजाराम बापू ताकवणे यांची प्रतिमा भेट देण्यात आली. स्व.राजारामबापू ताकवणे यांचे चिरंजीव व राष्ट्रवादी काँग्रेस शरद पवार पक्षाचे प्रदेश सरचिटणीस नामदेव ताकवणे यांनी उपस्थित सर्व मान्यवरांचे आभार मानले. पारगाव या ठिकाणी स्व. माजी आमदार राजाराम बापू ताकवणे यांचा पुतळा उभारण्यासाठी सर्जेराव जेधे व तुकाराम शितोळे यांनी प्रत्येकी एक लाख,तर सयाजी ताकवणे व सुभाष बोत्रे यांनी प्रत्येकी ५१ हजार जाहीर केले. या वेळी भिमा पाटस कारखान्याचे संचालक तुकाराम ताकवणे, कृषी उत्पन्न बाजार समितीचे संचालक अतुल ताकवणे, मच्छिंद्र ताकवणे, सुरेश ताकवणे, निलेश बोत्रे, विकास शेळके, सोमनाथ ताकवणे, विजय शिवरकर, दिलीप होले, संतोष ताकवणे, विजय चव्हाण, नानासो जेधे आदी मान्यवर उपस्थित होते.
