प्रभात वृत्तसेवा बारामती – भारतीय जनता पक्षाबाबत करण्यात आलेली अवमानकारक विधाने, बारामती तालुक्यातील राजकीय मक्तेदारी, भ्रष्ट कारभाराच्या निषेधार्थ सोमवारी भारतीय जनता पक्ष बारामती शहर व तालुक्याच्या वतीने शहरात जनक्षोभ मोर्चा काढण्यात आला. त्यासाठी भाजप कार्यकर्ते आज रस्त्यावर उतरले होते.उपमुख्यमंत्री अजित पवार यांनी भारतीय जनता पक्षाचा राक्षसी भूक असा उल्लेख करून कोट्यवधी कार्यकर्त्यांचा अपमान केला आहे. कार्यकर्त्यांनी आंदोलनादरम्यान बकासुराचे नैवेद्य ताट दाखवून अनोख्या पद्धतीने निषेध केला. पक्षाचा अपमान करणारांचा निषेध असो, बकासुर प्रवृत्तीचा निषेध असो, अजित पवार महायुतीतून बाहेर पडा, माफी मागा, माफी मागा, अजित पवार माफी मागा, अशा घोषणा यावेळी देण्यात आल्या.प्रशासनाने निवेदनाची दखल घेऊन ७ दिवसांच्या आत कारवाई न केल्यास, संपूर्ण तालुक्यात तीव्र आंदोलन छेडले जाईल, असा इशारा यावेळी देण्यात आला. यावेळी भाजपचे नवनाथ पडळकर, सतीश फाळके, ॲड. नितीन भामे, सुजित वायसे, शहाजी कदम, मुकेश वाघेला, प्रमोद डिंबळे, संगिता दामोदरे, ॲड. माया खुंटे, गौरी एकशिंगे, सुनिता शिंदे, प्रियांका साळुंखे, कांताबाई गाडी, इंदुबाई चौधर, सुवर्णा जगताप, संतोष जाधव, फिरोज उर्फ मुन्ना तांबोळी, साजन अडसुळ, चंद्रकांत सरोदे. ॲड. आकाश दामोदरे, ॲड. अक्षय गायकवाड, रघु चौधर, अल्ताफ बागवान, अजित जाधव, अभिजीत पवार, उमेश गायकवाड,ओंकार साठे, महेश नेटके, बाळासाहेब गर्डी, विवेक साळुंखे, रोहित शिंदे, अमोल प्रभुणे, संतोष सरोदे, ओंकार एकशिंगे यांच्यासह पक्षाचे कार्यकर्ते मोठ्या संख्येने उपस्थित होते. निवेदनातील मागण्या -जाहीर माफीची मागणी: जगातील सर्वात मोठ्या राजकीय पक्षाचा अपमान करणाऱ्या लोकप्रतिनिधींनी भारतीय जनता पक्षाची व कार्यकर्त्यांची जाहीर माफी मागावी. -कथित जमीन व्यवहारांची चौकशी: पवार यांच्याशी संबंधित बारामती परिसरातील जमीनींचे बाजारमूल्य कोट्यवधी असतानाही, नोंदणीवेळी अत्यल्प किमती दाखवून शासनाचा महसूल बुडवल्याचा संशय आहे. या व्यवहारांची तात्काळ निष्पक्ष चौकशी व्हावी. -तथाकथित ‘मलिदा गँग’चा बंदोबस्त: बारामतीतील टेंडर प्रक्रिया आणि शासकीय कंत्राटांमध्ये भ्रष्टाचार करणाऱ्या तथाकथित ‘मलिदा गँग’ची लाचलुचपत प्रतिबंधक विभागामार्फत (ACB) चौकशी करण्यात
