Alandi Municipal Council – महाराष्ट्र नगरपरिषदा, नगरपंचायती व औद्योगिक नगरी अधिनियम, 1965 तसेच संबंधित नियमांनुसार आळंदी नगरपरिषदेच्या विषय समित्या व स्थायी समितीचे गठन आज विशेष सभेत बिनविरोध करण्यात आले.विषय समित्यांच्या गठनानंतर स्थायी समितीची रचना पुढीलप्रमाणे : नगराध्यक्ष प्रशांत पोपट कुर्हाडे हे स्थायी समितीचे पदसिद्ध सभापती म्हणून निवड करण्यात आली आहे. पाणीपुरवठा व जलनिस्सारण समितीच्या सभापतीपदी उपाध्यक्षा सुजाता तापकीर, सार्वजनिक बांधकाम व स्वच्छता समितीच्या सभापती म्हणून साक्षी अक्षय कुर्हाडे, शालेय शिक्षण, क्रीडा व सांस्कृतिक समितीच्या सभापती म्हणून बोरुंदिया खुशी सागर, मागासवर्गीय कल्याणकारी व सार्वजनिक आरोग्य समितीच्या सभापती म्हणून उमरगेकर वैजयंता अशोक, यात्रा, नियोजन व विकास समितीच्या सभापती म्हणून पूजा संजय घुंडरे, महिला व बालकल्याण व वैद्यक समितीच्या सभापती म्हणून ऋतुजा अनिकेत तापकीर, तर महिला व बालकल्याण व वैद्यक समितीच्या उपसभापती म्हणून कांचन किरण येळवंडे यांची निवड करण्यात आली आहे.या विषय समित्या व स्थायी समितीचा कालावधी 23 जानेवारी 2026 पासून एक वर्षासाठी राहणार असल्याची माहिती यावेळी देण्यात आली. आदित्यराजे घुंडरे यांची विरोधी पक्ष नेते म्हणून निवड झाली आहे. विषय समित्या व स्थायी समितीचे सभापती व सदस्य बिनविरोध निवडून आल्याबद्दल पिठासीन अधिकारी यांनी सर्व उपस्थित पदाधिकारी व सदस्यांचे अभिनंदन केले. तसेच निवडणूक प्रक्रियेत सहकार्य केल्याबद्दल मुख्याधिकारी व सर्व कर्मचारीवृंदांचे समाधान व्यक्त करून आभार मानले आणि सभा संपल्याचे मुख्याधिकारी तथा पिठासन अधिकारी माधव खांडेकर यांनी जाहीर केले. अत्यंत खेळीमेळीच्या वातावरणात सभा पार पडल्याचे सांगण्यात आले.
