प्रभात वृत्तसेवा तळेगाव दाभाडे – पुणे जिल्हा नियोजन समितीच्या माध्यमातून राव कॉलनी मध्ये सुमारे एक कोटी रुपये खर्चाच्या रस्त्याच्या डांबरीकरणाच्या कामाचे भूमिपूजन आमदार सुनील शेळके यांच्या हस्ते पार पडले. या कार्यक्रमाच्या अध्यक्षस्थानी नगराध्यक्ष संतोष दाभाडे होते.यावेळी नगरसेवक इंद्रकुमार ओसवाल, नगरसेविका सुरेखा निलेश भेगडे, माजी नगरसेवक श्रीराम कुबेर, आयुब शिकीलकर, बांधकाम विभाग प्रमुख श्रीराम सरगर,डॉक्टर शाळीग्राम भंडारी, विशाल वाळुंज, हेमंत शेळके, श्रीकांत बापट, गणेश क्षीरसागर, सुयोग शिरसाट, राजेंद्र बांदल, बाळासाहेब शिरसागर, योगेश सातकर सह परिसरातील नागरिक मोठ्या संख्येने उपस्थित होते.हा रस्ता मोहर प्रतिमा, संस्कृती अपार्टमेंट, घरोंदा ते लीली अपार्टमेंट पर्यंत राहणार आहे. या रस्त्याचे डांबरीकरण एक महिन्याच्या मुदतीमध्ये डीपीडीसीच्या माध्यमातून पूर्ण होणार असून याची रुंदी १६ मीटर व बाजूला दोन मीटरचा फूटपाथ समाविष्ट आहे. यावेळी नगराध्यक्ष संतोष दाभाडे म्हणाले नागरिकांच्या सामाजिक अडचणी सोडविण्यासाठी मी पूर्णवेळ बांधील आहे. तर आमदार सुनील शेळके म्हणाले या परिसरामध्ये असलेल्या गार्डनचे सुशोभीकरण, ज्येष्ठ नागरिकांना बैठक व्यवस्था, नवीन झालेल्या रस्त्यावर जागोजागी स्पीड बेकर, तरुणांसाठी ओपन जिम्स भविष्यामध्ये त्वरित करणार आहे. तसेच परिसरातील नागरिकांनी स्वच्छता राखण्यासाठी व होत असलेल्या रस्त्याच्या कामाच्या कॉलिटी कडे लक्ष ठेवावे असे आवाहन केले.
