प्रभात वृत्तसेवा पिंपरी – श्री जैन विद्या प्रसारक मंडळ संचलित श्रीमती गेंदीबाई ताराचंद चोपडा हायस्कूल व ज्यूनिअर कॉलेज मध्ये वार्षिक स्नेहसंमेलनव पारितोषिक वितरण समारंभ संपन्न झाला .या प्रसंगी संस्थेचे मानद सचिव राजेंद्रकुमार मुथा, कार्याध्यक्ष शांतीलाल लुंकड, कोषाध्यक्ष प्रकाशचंद चोपडा यांनी शुभेच्छा दिल्या. सहाय्यक सेक्रेटरी अनिलकुमार कांकरिया , विश्वस्त जयप्रकाश राका, नवीनचंद लुंकड, चंद्रकांत भन्साळी, प्रकाशचंद बंब, लेखक प्रा. डॉ.विलास आढाव, डॉ. सुधीर भालेराव, जय धोका कार्यक्रमासाठी उपस्थित होते. मान्यवर पाहुण्यांनी सरस्वती पूजन व दीप प्रज्वलन करुन गणेश वंदनाने कार्यक्रमाची सुरुवात झाली.प्रशालेतील विविध उपक्रमांची माहिती पी.पी.टी. द्वारे कपिल राऊतमारे व अंजू शेंडगे यांनी सादर केली. कार्यक्रमाचे प्रास्ताविक प्राचार्य विक्रम काळे यांनी केले. कालिंदी माडगूळकर यांच्या स्मरणार्थ दिला जाणारा आदर्श कलाशिक्षक पुरस्कार विद्यालयाचे कलाशिक्षक गजानन हरिदास यांना दिला. वेगवेगळ्या स्पर्धांमध्ये यशस्वी विद्यार्थ्यांना बक्षिसे देण्यात आली. मान्यवर पाहुण्यांच्या हस्ते राष्ट्रीय स्तरावरील खेळाडू सखुबाई चव्हाण, सिद्धी पांगरे, प्रतीक्षा कचरे व क्रीडा शिक्षक संदीप माशेरे यांना सन्मानित करण्यात आले. यावेळी महावीर वंदना ,स्वागत नृत्य ,संत गोरा कुंभार, राजस्थानी नृत्य , आई जगदंबे ! आणि देशभक्तीपर गीतांनी कार्यक्रमात जोश संचारला.कार्यक्रमाचे संयोजन शिक्षक प्रतिनिधी अलका बारगजे यांनी केले. सूत्रसंचालन संध्या पाटील, पल्लवी दुसाने ,सुनिता शिंदे यांनी केले. आभार पर्यवेक्षक रामनाथ खेडकर यांनी मानले.
