Trinamool Congress : भारतीय टेनिसचे दिग्गज आणि माजी डेव्हिस कप खेळाडू लिएंडर पेस (Leander Paes) यांनी आज भारतीय जनता पक्षात (भाजप) प्रवेश केला आहे. केंद्रीय कायदे आणि न्याय मंत्री किरेन रिजिजू आणि भाजपचे राष्ट्रीय सरचिटणीस सुकांत मजूमदार यांच्या उपस्थितीत पेस यांनी पक्षाचे सदस्यत्व स्वीकारले. काही दिवसांपूर्वी पश्चिम बंगाल दौऱ्यावर असताना लिएंडर पेस (Leander Paes) यांनी भाजप अध्यक्ष नितिन गडकरी यांची भेट घेतली होती. त्या भेटीनंतर त्यांच्या भाजप प्रवेशाची चर्चा जोरात सुरू झाली होती आणि आज ही चर्चा प्रत्यक्षात उतरली आहे. तृणमूल काँग्रेसला मोठा राजकीय धक्का लिएंडर पेस (Leander Paes) यांचा भाजप प्रवेश हा तृणमूल काँग्रेस (टीएमसी) साठी मोठा धक्का मानला जात आहे. २०२१ मध्ये गोव्यात ममता बॅनर्जी यांनी स्वतः पेस यांना तृणमूल काँग्रेसमध्ये प्रवेश दिला होता. त्या वेळी ममता बॅनर्जींनी पेस यांना आपला “लहान भाऊ” म्हटले होते, तर पेस यांनी ममतादीदींना “खरी चॅम्पियन” असे संबोधले होते. Leander Paes मात्र टीएमसीमध्ये प्रवेश केल्यानंतर पेस यांना पक्षात कोणतीही महत्त्वाची जबाबदारी देण्यात आली नाही. यामुळे ते हळूहळू पक्षापासून दूर गेले होते. आता पश्चिम बंगाल विधानसभा निवडणुकीपूर्वी त्यांचा भाजपमध्ये प्रवेश झाल्याने टीएमसीला मोठा राजकीय फटका बसला आहे. कोलकाता आणि गोव्याशी घनिष्ठ संबंध लिएंडर पेस यांचा जन्म कोलकाता येथे झाला असून त्यांचे कुटुंब कोलकाता आणि गोवा या दोन्ही ठिकाणी जोडलेले आहे. त्यामुळे दोन्ही राज्यांमध्ये त्यांची चांगली लोकप्रियता आहे. विशेषतः कोलकातातील शहरी आणि अपर मिडल क्लास मतदारांमध्ये पेस यांचा प्रभाव मानला जातो. भाजपमध्ये प्रवेश करणारे खेळाडूंचे वाढते प्रमाण लिएंडर पेस हे भाजपमध्ये प्रवेश करणारे पहिले खेळाडू नाहीत. यापूर्वी अनेक नामवंत खेळाडूंनी भाजपचा रस्ता निवडला आहे. त्यापैकी काहींनी निवडणुका लढवल्या, काहींना मंत्रीपद मिळाले तर काही राज्यसभा सदस्य झाले आहेत. भाजपमध्ये प्रवेश केलेल्या प्रमुख खेळाडूंची यादी – राज्यवर्धन सिंह राठौर (केंद्रीय मंत्री झाले) – साइना नेहवाल – बबीता फोगाट – कीर्ति आजाद – चेतन चौहान – केदार जाधव – एस. श्रीसंत – कल्याण चौबे – अरिंदम भट्टाचार्य – विजेंद्र सिंह – रविंद्र जडेजा यात राज्यवर्धन सिंह राठौर हे भाजपमध्ये प्रवेश करून केंद्रीय मंत्रिपदापर्यंत पोहोचलेले सर्वात प्रमुख उदाहरण आहे. भाजपला अपेक्षित फायदे राजकीय विश्लेषकांच्या मते, पेस यांच्या प्रवेशामुळे भाजपला पश्चिम बंगालमध्ये विशेष फायदा होण्याची शक्यता आहे. कोलकाता आणि आसपासच्या शहरी भागातील मतदार, युवा मतदार आणि क्रीडाप्रेमी मतदारांना आकर्षित करण्यास मदत होईल. तसेच अपर मिडल क्लास आणि मध्यमवर्गीय मतदारांमध्ये भाजपचा प्रभाव वाढण्यास हा प्रवेश उपयुक्त ठरू शकतो. पश्चिम बंगाल विधानसभा निवडणुकीपूर्वी पेस (Leander Paes) यांना भाजप उमेदवारी देईल की नाही, याकडे सर्वांचे लक्ष लागले आहे.
