प्रभात वृत्तसेवा बारामती – दारूच्या नशेत धुंद असलेल्या दोन मित्रांनी एका मित्राचा निर्घृण खून केल्याची घटना शहरातील मोरगाव रोड येथे घडली. नशेतून भानावर आल्यावर दोन्ही आरोपींनी थेट पोलीस स्टेशन गाठले. दोन मित्रांनी दारुच्या नशेत केलेली हे क्रूर कृत्य केल्याने शहरात खळबळ उडाली आहे. अविनाश उर्फ माऊली धनंजय लोंढे (वय 20, राहणार बारामती) याचा जागीच मृत्यू झाला. पोलिसांनी समीर इक्बाल शेख आणि प्रथमेश राजेंद्र दळवी या दोघांना ताब्यात घेतले आहे.शहरातील जुन्या मोरगाव रोड येथे तीन मित्र दारू पीत बसले होते. किरकोळ कारणावरून त्यांच्यात शिवीगाळ झाली. त्यानंतर त्याचे रूपांतर भांडणात झाले. माऊली धनंजय लोंढे याने शिवागाळ केल्याने दोन्ही मित्रांनी त्याला जीवानिशी मारले. वाद इतका वाढला की, संतप्त झालेल्या दोघांनी बाजूला असलेला एक दगड उचलला. त्यांनी तिसऱ्या मित्राच्या डोक्यात दगड घालून त्याला ठेचले. दोघांनी त्याच्या डोक्याचा चेंदामेंदा केला. घटनेनंतर भानावर आलेले दोन्ही आरोपी थेट पोलीस ठाण्यात हजर झाले. त्यांनी पोलिसांना घडलेला प्रकार सांगितला. दरम्यान, अविनाशचा मृत्यू झाल्याचे लक्षात येताच दोन्ही आरोपींनी स्वतःहून पोलीस ठाण्यात हजर होऊन आत्मसमर्पण केले.पोलिसांनी त्यांना ताब्यात घेऊन घटनास्थळी धाव घेतली. पंचनामा करण्यात आला आहे. पोलीस कसून तपास करीत आहेत.
