प्रभात वृत्तससेवा पिंपरी – भरधाव वेगातील आयशर टेम्पोने दिलेल्या धडकेत दुचाकीस्वाराचा मृत्यू झाला. ही घटना शनिवारी (दि. ६) रात्री नऊ वाजताच्या सुमारास घडली.कुशेश्वर गेनौर प्रसाद (वय ५३) असे अपघातात मृत्यूमुखी पडलेल्या दुचाकीस्वाराचे नाव आहे. रिंकूकुमार मल्होत्रा (वय ३५, रा. एएमपीएल ट्रान्सपोर्ट, ताथवडे) असे गुन्हा दाखल झालेल्या आरोपी टेम्पो चालकाचे नाव आहे. सोनी कुशेश्वर प्रसाद (वय २९, रा. काटेवस्ती रोड, पुनावळे) यांनी रविवारी (दि. ७) याबाबत हिंजवडी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादीचे वडील कुशेश्वर प्रसाद हे शनिवारी रात्री नऊ वाजताच्या सुमारास दुचाकीवरून घरी जात होते. ते ताथवडे येथील सागर हॉटेलजवळ आले असता त्यांच्या दुचाकीला आरोपी चालवत असलेल्या आयशर टेम्पोने जोरदार धडक दिली. या अपघातात गंभीर जखमी झाल्याने कुशेश्वर यांचा मृत्यू झाला. हिंजवडी पोलीस याबाबत अधिक तपास करीत आहेत.
