जोहान्सबर्ग : दक्षिण आफ्रिकेमध्ये सशस्त्र बंदुकधाऱ्यांनी एका पबमध्ये केलेल्या स्वैर गोळीबारामध्ये किमान ९ जण ठार झाले. रविवारी मध्यरात्रीनंतर जोहान्सबर्गच्या पश्चिमेला ४६ किलोमीटर अंतरावरील बेक्केर्सदल शहरात झालेल्या या गोळीबारामध्ये किमान १० जण जखमी देखील झाले आहेत, असे अधिकाऱ्यांनी सांगितले. किमान १२ अज्ञात संशयित हल्लेखोर दोन मिनी बसमधून आले आणि क्वानोक्सोलो पबच्या संरक्षकांवर स्वैर गोळीबार करायला सुरुवात केला. थोडावेळ पबमध्ये बेछुट गोळीबार करून हे हल्लेखोर पसार झाले, रस्त्यावरून जात असलेल्या काही जणांवरही या हल्लेखोरांनी गोळीबार केला. या गोळीबारात १० जण ठार झाल्याचे पोलीस म्हणाले होते. पण नंतर ही संख्या ९ असल्याचे स्पष्ट करण्यात आले. या घटनेनंतर पोलिसांनी लगेचच हल्लेखोरांचा शोध सुरू केला आहे. या हल्ल्याचा नेमका हेतू अद्याप स्पष्ट हो शकलेला नाही. हा भाग सोन्याच्या खाणींमुळे प्रसिद्ध आहे. दक्षिण आफ्रिकेमध्ये गेल्या ३ आठवड्यात घडलेली ही स्वैर गोळीबाराची ही दुसरी घटना आहे. अलिकडेच ७ डिसेंबरला काही बंदुकधारी प्रिटोरियाजवळच्या सॉलस्विले हॉस्टेलमध्ये घुसले आणि असाच गोळीबार केला. त्यात साडे तीन वर्षाच्या मुलासह ११ जण ठार झाले होते.
