Jack Lang : एपस्टीन फाइल्समध्ये उल्लेख आढळल्यामुळे फ्रान्सचे माजी सांस्कृतिक मंत्री जॅक लँग (Jack Lang) यांनी पॅरिस कल्चरल सेंटरच्या प्रमुखपदाचा राजीनामा दिला आहे. अरब वर्ल्ड इन्स्टिट्युटवर फ्रान्सच्या परराष्ट्र मंत्रालयाकडून देखरेख केली जात असते. एपस्टीन फाइल्समध्ये लँग यांच्या नावाचा उल्लेख आढळल्यामुळे परराष्ट्र मंत्रालयाने लँग यांना परराष्ट्र मंत्रालयात चौकशीसाठी पाचारण करण्यात आले होते. मात्र चौकशीला सामोरे जाण्याऐवजी लँग (Jack Lang) यांनी पॅरिस कल्चरल सेंटरच्या प्रमुखपदाचा राजीनामा दिला. दिनांक ३० जानेवारी रोजी अमेरिकेच्या न्याय विभागाने उघड केलेल्या एपस्टीन फाइल्समुळे अनेक अतिश्रीमंत व्यक्ती अडचणीत आल्या आहेत. अनेक देशातील राजकीय नेते, प्रशासकीय अधिकारी, लष्करी नेते, उद्योजक, सिने अभिनेते आणि अन्य व्यक्तींच्या प्रतिमा मलीन होऊ लागल्या आहेत. Jack Lang प्रभावित झालेल्या फ्रान्समधील व्यक्तींमध्ये लँग हे सर्वात प्रसिद्ध व्यक्ती आहेत. ते १९८० आणि १९९० च्या दशकात समाजवादी विचारांचे अध्यक्ष फ्रँकोइस मिटरँड यांच्या कार्यकाळात संस्कृती मंत्री होते. लँग २०१३ पासून अरब वर्ल्ड इन्स्टिट्यूटचे प्रमुख होते. त्यांनी राजीनामा दिल्याच्या वृत्ताला परराष्ट्र मंत्रालयाने शनिवारी संध्याकाळी दुजोरा दिला. लँग आणि त्यांच्या कन्येकडून गंभीर कर फसवणूक आणि मनी लाँडरिंग केली गेल्याच्या आरोपाखाली या दोघांची चौकशी केली जाणार असल्याचे वित्तीय सरकारी वकिलांच्या कार्यालयाने म्हटले आहे. कॅरिबियन समुद्रातील यूएस व्हर्जिन बेटांवरच्या एका ऑफशोर कंपनीद्वारे लँग कुटुंब आणि जेफ्री एपस्टीन यांच्यातील आर्थिक आणि व्यावसायिक संबंधांबाबत नुकताच एका वेबसाइटने गौप्यस्फोट केला होता. एपस्टीन फाइल्समध्ये लँग यांच्या नावाचा उल्लेख तब्बल ६०० वेळा आला आहे.
