मार्च 2025 मध्येही असाच प्रकार घडला होता, जेव्हा हुथींविरुद्धच्या हल्ल्याची योजना सिग्नलवर लीक झाली होती. या प्रकरणात द अटलांटिक मासिकाचे संपादक जेफ्री गोल्डबर्ग यांना चुकून या गटात सामील करून घेण्यात आले होते. गोल्डबर्ग यांना 11 मार्च रोजी राष्ट्रीय सुरक्षा सल्लागार माइक वॉल्ट्झ यांच्याकडून सिग्नलवर कनेक्शन विनंती आली. त्यांना सुरुवातीला वॉल्ट्झ यांची ओळख पटली नाही. दोन दिवसांनी, 13 मार्च रोजी दुपारी 4:28 वाजता, त्यांना ‘हौथी पीसी स्मॉल ग्रुप’ नावाच्या चॅट गटात सामील करण्यात आले, जिथे हल्ल्याच्या समन्वयाची चर्चा सुरू होती.

ट्रम्प प्रशासनाच्या सुरक्षाव्यवस्थेवर गंभीर प्रश्न Yemen War Plan Leak | 
या ताज्या लीकमुळे ट्रम्प प्रशासनाच्या सुरक्षाव्यवस्थेवर गंभीर प्रश्न उपस्थित झाले आहेत. संवेदनशील माहिती सिग्नलसारख्या सामान्य मेसेजिंग अॅपवर शेअर करण्याचा हा प्रकार राष्ट्रीय सुरक्षेला धोका निर्माण करणारा मानला जात आहे. या प्रकरणामुळे अमेरिकेत राजकीय वादळ निर्माण झालं असून, डेमोक्रॅटिक नेत्यांनी हेगसेथ यांच्यावर कठोर कारवाईची मागणी केली आहे. तसेच, यामुळे ट्रम्प प्रशासनाच्या कार्यपद्धतीवरही प्रश्नचिन्ह निर्माण झालं आहे. पत्नी आणि भावाचा या ग्रुपमधील सहभाग यामागील वैयक्तिक संबंध आणि माहिती लीक होण्याच्या हेतूंवर प्रकाश टाकतो, ज्यामुळे हा विषय आणखी गुंतागुंतीचा बनला आहे

राष्ट्राध्यक्ष ट्रम्प यांनी या प्रकरणाची माहिती नसल्याचे सांगितले आणि द अटलांटिकवर टीका करताना मासिक लवकरच बंद होईल, असा टोला लगावला. हे प्रकरण संवेदनशील माहितीच्या गैरवापराचे गंभीर प्रश्न उपस्थित करते.

हेही वाचा
राहुल गांधींचा ब्राउन विद्यापीठात हल्लाबोल ; महाराष्ट्र निवडणुकीवरून निवडणूक आयोगावर गंभीर आरोप