ICC Test Rankings & Yashasvi Jaiswal : भारताचा युवा फलंदाज आणि सलामीवीर यशस्वी जैस्वालने आपल्या उत्कृष्ट फलंदाजीच्या जोरावर आंतरराष्ट्रीय क्रिकेट परिषदेच्या (ICC) कसोटी क्रमवारीत टॉप-10 मध्ये प्रवेश केला आहे. इंग्लंडविरुद्ध सुरू असलेल्या कसोटी मालिकेत बॅटने अनेक शानदार खेळी केल्यानंतर जयस्वालला बंपर फायदा झाला आहे. या मालिकेत आतापर्यंत खेळल्या गेलेल्या चार कसोटी सामन्यांमध्ये द्विशतकासह 655 धावा करणारा जयस्वाल आठवड्याच्या सुरुवातीपूर्वी 12व्या स्थानावर होता, पण आता बुधवारी ( 6 मार्च ) जाहीर झालेल्या ताज्या कसोटी फलंदाजी क्रमवारीत प्रथमच तो 10 व्या स्थानावर पोहोचला आहे.

जैस्वाल दोन स्थानाची झेप घेतली आहे आणि 727 रेटिंग गुणांसह टॉप-10 मध्ये पोहोचला आहे. ताज्या क्रमवारीत जैस्वालशिवाय भारतीय कर्णधार रोहित शर्मा आणि विराट कोहली यांनाही फायदा झाला आहे. सध्या इंग्लंडविरुद्धच्या पाच सामन्यांच्या कसोटी मालिकेत विराट कोहली खेळला नसला तरी त्याने एका स्थानाची झेप घेतली आहे. विराट आठव्या स्थानावर पोहोचला आहे. त्याचवेळी रोहित शर्माही दोन स्थानांची झेप घेत 11व्या क्रमांकावर पोहोचला आहे. शुभमन गिल 31व्या तर जडेजा 37व्या क्रमांकावर कायम आहे.

न्यूझीलंडचा कर्णधार केन विल्यमसन सध्या 870 रेटिंग गुणांसह पहिल्या स्थानावर आहे, तर इंग्लंडचा जो रूट 799 रेटिंग गुणांसह दुसऱ्या स्थानावर आहे आणि ऑस्ट्रेलियाचा स्टीव्ह स्मिथ 789 रेटिंग गुणांसह तिसऱ्या स्थानावर आहे.

https://wordpress-1295094-4705890.cloudwaysapps.com/team-india-young-batsman-yashasvi-jaiswal-who-once-sold-panipuri-has-such-a-struggling-journey/

दरम्यान, भारत आणि इंग्लंड यांच्यात पाच सामन्याची कसोटी मालिका खेळली जात आहे. या मालिकेत भारतीय संघाने 3-1 अशी अजेय आघाडी घेतली आहे.  मालिकेतील शेवटचा सामना 7 मार्चपासून धर्मशाला येथे खेळवला जाणार आहे. यशस्वी सध्या सर्वाधिक धावा करण्याच्या बाबतीत अव्वल स्थानावर आहे. त्याने 4 सामन्यात 655 धावा केल्या आहेत. यशस्वीने या काळात दोन द्विशतके झळकावली आहेत. शुभमन गिल दुसऱ्या क्रमांकावर आहे. त्याने 4 सामन्यात 342 धावा केल्या आहेत.