Xpeng AeroHT Flying Car: अमेरिकेतील लास वेगास येथे आयोजित कन्झ्युमर इलेक्ट्रॉनिक्स शो (CES 2024) मध्ये इलेक्ट्रिक वाहने सादर केली. दरम्यान, चीनची आघाडीची टेक कंपनी XPENG ने देखील आपली फ्लाइंग कार XPENG AEROHT सादर केली आहे. हवेत उडणाऱ्या या कारने लोकांचे लक्ष वेधून घेतले आहे. सध्या ही कार केवळ ब्रँडिंग किंवा प्रमोशनसाठी शोकेस म्हणून विकसित केली गेली आहे. परंतु कंपनी या मॉड्युलर फ्लाइंग कारबद्दल गंभीर आहे. लवकरच याचे उत्पादन सुरु होणार आहे.

कंपनीचे म्हणणे आहे की, या वर्षाच्या अखेरीस चीनमध्ये या फ्लाइंग कारचे अधिकृत बुकिंग सुरू केले जाईल आणि 2025 सालापर्यंत तिची डिलिव्हरी सुरू करण्याचीही योजना आहे. 2025 च्या अखेरीस युजर्स या फ्लाइंग कारचा वापर करू शकतील. आशियातील सर्वात मोठी फ्लाइंग कार कंपनी XPENG ने दावा केला आहे की, ही नवीन संकल्पना वाहतुकीचे भविष्य बदलेल.

ही उडणारी कार कशी आहे –

कंपनीने सांगितल्याप्रमाणे, या उडत्या कारचे डिझाइन दोन भागांमध्ये विभागले गेले आहे, ज्यामुळे ती जमिनीवर तसेच हवेतही उडू शकते. हे इलेक्ट्रिक व्हर्टिकल टेक-ऑफ आणि लँडिंग एअरक्राफ्ट (eVTOL) आहे, जे एखाद्या कारप्रमाणे रस्त्यावर सहज फिरू शकते आणि गरज पडल्यास ते विमानाप्रमाणे हवेतही उडवता येते. एअर मॉड्यूल सुविधेमुळे हेलिकॉप्टरप्रमाणे टेक-ऑफ करता येते, तर ग्राउंड मॉड्यूल ग्राउंड ट्रान्सपोर्टेशन म्हणून रस्त्यावर ऑपरेट करणे सोपे करते. या ‘लँड एअरक्राफ्ट कॅरियर’चे लक्ष्य जमिनीवरून हवेत मानवी वाहतूक सुलभ करणे हे आहे.

Embark on a new era of mobility! Witness the future of transportation at #CES2024.#XPENGAEROHT #FlyingCar #Tech #eVTOL pic.twitter.com/rCgv9NxWZ9

— XPENG AEROHT (@XPENG_AEROHT) January 10, 2024

आणीबाणीमध्ये देखील प्रभावी होईल –

कंपनीने लास वेगास येथे कन्झ्युमर इलेक्ट्रॉनिक्स शो (CES) 2024 मध्ये पत्रकार परिषदेत जाहीर केले की ‘लँड एअरक्राफ्ट कॅरियर’ अशा प्रकारे विकसित केले गेले आहे की ते खाजगी आणि सार्वजनिक दोन्ही क्षेत्रात वापरता येईल. हे वैयक्तिक वाहन म्हणून देखील वापरले जाऊ शकते आणि आपत्कालीन परिस्थितीत, ते आपत्कालीन सेवा, बचाव कार्य इत्यादींसाठी देखील वापरले जाऊ शकते. कंपनीने त्याचा लाईव्ह डेमोही दिला. कंपनीने पहिल्यांदाच या वाहनाचा डेमो दिला आहे.

ही कंपनी XPENG MOTORS ची उपकंपनी आहे आणि गेल्या 10 वर्षांपासून लो-एल्टीट्यूड एक्सप्लोरेशन क्षेत्रात उत्कृष्ट काम करत आहे. फ्लाइंग कार कल्पनेच्या क्षेत्रातून बाहेर काढण्याच्या शर्यतीत, XPENG AEROHT ने तिची इलेक्ट्रिक वर्टिकल टेक-ऑफ आणि लँडिंग फ्लाइंग कार आणि त्याचे मॉड्यूलर ‘लँड एअरक्राफ्ट कॅरिअर’ हवेतून प्रवास करण्यासाठी डिझाइन केले आहे.

उत्पादनासाठी तयार –

कठोर संशोधन आणि विकासाचे सर्व टप्पे पार केल्यानंतर ही मॉड्युलर फ्लाइंग कार आता मोठ्या प्रमाणावर उत्पादनासाठी अंतिम टप्प्यात पोहोचली आहे. अंतिम डिझाइन अद्याप डेव्हलप मोडमध्ये असले तरी, त्याची यंत्रणा आश्चर्यकारक असेल.

ग्राउंड मॉड्यूल वैशिष्ट्ये –

– यात ४-५ प्रवाशांची आसनव्यवस्था आहे.
– तीन एक्सल, 6 व्हील कॉन्फिगरेशन
– ऑल-व्हील ड्राइव्ह सिस्टम

एअर मॉड्यूल वैशिष्ट्ये-

– वर्टिकल टेक-ऑफ आणि लो-एल्टीट्यूड (कमी उंचीवर) उडण्याची क्षमता
– पूर्णपणे इलेक्ट्रिक पायलटेड विमान
– अप्रतिम सुरक्षा वैशिष्ट्ये
– मॅन्युअल आणि स्वयंचलित ड्रायव्हिंग मोड
– 270 डिग्री पॅनोरामिक दोन-व्यक्ती कॉकपिट

एखाद्या कंपनीने उडत्या कारचे प्रदर्शन करण्याची ही पहिलीच वेळ नाही. याच इव्हेंटमध्ये ह्युंदाईने त्यांच्या फ्लाइंग कार तंत्रज्ञानाचेही अनावरण केले आहे. याशिवाय गेल्या वर्षी ALEF मॉडेल A देखील सादर करण्यात आले आहे. हवेत उडण्याची क्रेझ एवढी वाढत आहे की, यावर्षी एप्रिल-2024 मध्ये जगातील पहिली फ्लाइंग कार शर्यत संयुक्त अरब अमिराती (UAE) मध्ये आयोजित केली जाणार आहे, जी स्वायत्त (ड्रायव्हरशिवाय असेल)