मुंबई – महिला प्रीमियर लीगच्या (डब्लूपीएल) पहिल्या आवृत्तीची सुरुवात होण्यापूर्वीच गुजरात टायटन्सला डिआंड्रा डॉटिनच्या रूपाने मोठा धक्का बसला आहे. वेस्ट इंडिजची आघाडीची फलंदाज असणारी डॉटिन दुखापतीमुळे यंदाच्या संपूर्ण मोसमातून बाहेर पडली आहे.
गुजरात फ्रेंचायझीने आता तिच्या जागी ऑस्ट्रेलियन महिला खेळाडू किम ग्रेथचा समावेश करण्याची घोषणा केली आहे. फ्रॅंचायझीने सोशल मीडिया पोस्टद्वारे याबद्दलची माहिती दिली आहे.
🚨 Another lioness from Down Under, @kim_garth joins our pride! 🇦🇺🦁#WPL #GujaratGiants #AdaniSportsline #Adani pic.twitter.com/vd9z6Ssp0i
— Gujarat Giants (@GujaratGiants) March 3, 2023
गुजरात जायंट्सने लिलावादरम्यान डिआंड्रा डॉटिनला 60 लाख रुपये मोजून आपल्या संघात समाविष्ट केले होते. त्याचवेळी, नुकताच टी-20 विश्वकरंडक जिंकणाऱ्या ऑस्ट्रेलियन संघाचा भाग असलेला वेगवान गोलंदाज ग्रेथने ही स्पर्धा सुरू होण्यापूर्वी खेळल्या गेलेल्या सराव सामन्यांमध्ये चांगली कामगिरी केली होती.
2010 साली आंतरराष्ट्रीय क्रिकेटमध्ये पदार्पण करणाऱ्या वेगवान गोलंदाज ग्रेथने आतापर्यंत 28 एकदिवसीय सामन्यांसह 54 टी-20 सामने खेळले आहेत, ज्यामध्ये तिने 23 आणि 43 विकेट्स घेतल्या आहेत. यासह ती फलंदाजीतही संघाला चांगली मदत करू शकते.