World Heritage Convention|  यंदा पहिल्यांदाच वर्ल्ड हेरिटेज कन्वेंशन भारतात होणार आहे. 21 जुलै रोजी भारताचे पंतप्रधान नरेंद्र मोदी यांच्या हस्ते त्याचे उद्घाटन होणार आहे. या कन्वेंशनचे 31 जुलैला समारोप होणार आहे. यासाठी सांस्कृतिक मंत्रालयाने वेबसाइटही तयार केली आहे.

भारत मंडपममध्ये हे अधिवेशन होणार आहे. यानिमित्ताने रेल्वे, हेरिटेज, हस्तकला असे अनेक प्रदर्शनेही तेथे भरवली जाणार आहेत. एलोरा, कैलास सारख्या अनेक पुरातत्व स्थळांचे डिजिटल डोम बनवले जातील जेणे करून लोकांना तिथे जाऊन त्या स्थळांचा अनुभव घेता येईल, केंद्रीय सांस्कृतिक आणि पर्यटन मंत्री गजेंद्र सिंह शेखावत यांनी याबाबत माहिती दिली आहे.

तिसऱ्यांदा सरकार स्थापन झाल्यानंतर पहिलाच मेगा इव्हेंट

तिसऱ्यांदा सरकार स्थापन झाल्यानंतर हा भारतात पहिलाच मेगा इव्हेंट असणार आहे. G-20 नंतर सरकारचा हा पहिलाच मेगा इव्हेंट आहे. आतापर्यंत 1 हजार 199 वारसा स्थळे जतन करण्यासाठी निश्चित करण्यात आली आहेत. त्यांच्या देखभालीवर या बैठकीत चर्चा होणार आहे. या बैठकीत 150 देशांचे 2000 प्रतिनिधी येणार आहेत.

दरम्यान, युनेस्कोच्या साइट्सच्या संख्येनुसार भारत जगात सहाव्या क्रमांकावर आहे. यासह भारत आशिया पॅसिफिक क्षेत्रात दुसऱ्या क्रमांकावर आहे. भारत जागतिक प्रशासकीय समितीचा सदस्य आहे. भारताच्या अध्यक्षतेखाली पहिल्यांदाच वर्ल्ड हेरिटेज कन्वेंशन होत आहे.

याद्वारे भारताला आपला समृद्ध सांस्कृतिक वारसा, स्थळांची देखभाल आणि भारताने वारशांना दिलेले प्राधान्य दर्शविण्याची संधी प्रदान करेल. दरम्यान, युनेस्कोच्या जागतिक वारसा समितीच्या 46 व्या सत्राचे अध्यक्ष म्हणून आणि प्रथमच या जागतिक संमेलनाचे यजमानपद भूषवण्याचा भारताला खूप अभिमान असल्याचे म्हणत शेखावत यांनी आनंद व्यक्त केला आहे.

हेही वाचा :  

हरियाणात ईडीची मोठी कारवाई ; काँग्रेस आमदार सुरेंद्र पनवार यांना अटक