Pune City | स्टेशन परिसरात महिलेचे दागिने हिसकावले..

प्रभात वृत्तसेवा पुणे – पादचारी महिलेच्या गळ्यातील १ लाख २५ हजारांचे मंगळसूत्र दुचाकीस्वार चोरट्यांनी हिसकावून नेल्याची घटना पुणे स्टेशन परिसरात घडली.याबाबत एका महिलेने बंडगार्डन पोलिसात फिर्याद दिली आहे. तक्रारदार महिला धनकवडी भागात राहायला आहेत. पोलिसांनी दिलेल्या माहितीनुसार, तक्रारदार महिला मंगळवारी (३० जुलै) सकाळी पावणेसातच्या सुमारास पुणे रेल्वे स्थानक परिसरातून निघाल्या होत्या. त्या वेळी दुचाकीस्वार चोरट्यांनी महिलेच्या गळ्यातील एक लाख २५ हजार रुपयांचे मंगळसूत्र हिसकावून नेले. महिलेने आरडाओरडा केला. चोरटे भरधाव वेगात पसार झाले. पसार झालेल्या चोरट्यांचा माग काढण्यात येत असून, पोलिसांनी रेल्वे स्थानक परिसरातील सीसीटीव्ही चित्रीकरण तपासासाठी ताब्यात घेतले आहे. सहायक पोलीस निरीक्षक शिवशांत खोसे तपास करत आहेत.