बॅंकॉक – थायलंडची राजधानी बँकॉकमध्ये शुक्रवारी (दि. २८) म्यानमार आणि थायलंडमध्ये आलेल्या शक्तिशाली भूकंपाच्या झटक्यांमुळे मोठी खळबळ उडाली. या भूकंपामुळे अनेक इमारतींना तडे गेले आणि लोकांना सुरक्षित ठिकाणी हलवण्यात आलं. यातच एका आश्चर्यकारक घटनेने सर्वांचं लक्ष वेधलं – एका महिलेला हॉस्पिटलमधून बाहेर काढल्यानंतर सरस्त्यावरच बाळाला जन्म द्यावा लागला.

शुक्रवारी दुपारी म्यानमारमध्ये ७.७ रिश्टर स्केल तीव्रतेचा भूकंप आला, ज्याचे झटके थायलंडच्या बँकॉकपर्यंत जाणवले. या भूकंपाचा केंद्रबिंदू म्यांमारच्या मांडले शहराजवळ होता. या झटक्यांमुळे अनेक इमारती कोसळल्या, तर काही ठिकाणी रस्ते आणि पूलांना तडा गेला. बैंकॉकमध्येही लोक घाबरून रस्त्यावर आले. या परिस्थितीत हॉस्पिटलमधील रुग्णांना सुरक्षित ठिकाणी हलवणं गरजेचं झालं.

हॉस्पिटलमधून बाहेर काढलं, अन्…
बैंकॉकमधील किंग चूललोंगकोर्न मेमोरियल हॉस्पिटल आणि बीएनएच हॉस्पिटलमधील रुग्णांना तातडीने बाहेर काढण्यात आलं. रुग्णांना स्ट्रेचर आणि व्हीलचेअरवर जवळच्या पार्कमध्ये आणलं गेलं. याचवेळी एका गर्भवती महिलेची प्रसूती जवळ आली होती. भूकंपाच्या धक्क्यांमुळे हॉस्पिटलमध्ये डिलिव्हरी करणं धोकादायक झालं होतं. त्यामुळे वैद्यकीय पथकाने तिला तातडीने बाहेर आणलं आणि सडकेवरच प्रसूतीची तयारी सुरू केली.

सडकेवर जन्मला नवा जीव
वैद्यकीय कर्मचाऱ्यांनी स्ट्रेचरवरच महिलेच्या आजूबाजूला पडदा लावून तिची डिलिव्हरी केली. काही मिनिटांतच त्या महिलेनं एका निरोगी बाळाला जन्म दिला. ही घटना इतक्या गोंधळात घडली की, आजूबाजूचे लोकही थक्क झाले. हॉस्पिटलच्या कर्मचाऱ्यांनी आपलं कर्तव्य बजावत आई आणि बाळ दोघांचीही काळजी घेतली. या बाळाचा जन्म भूकंपाच्या गोंधळात झाला असला, तरी त्यानं सर्वांना आशेचा किरण दाखवला.

पोलिसांचंही कौतुक
या घटनेचा व्हिडीओ सोशल मीडियावर व्हायरल झाला आहे. लोकांनी हॉस्पिटल कर्मचाऱ्यांच्या तत्परतेचं कौतुक केलं. पोलिस कर्नल सिरीकुल श्रीसांगा यांनी सांगितलं की, “ही महिला शस्त्रक्रियेसाठी हॉस्पिटलमध्ये होती, पण भूकंपामुळे आम्हाला तिला बाहेर काढावं लागलं. आमच्या टीमने तातडीने डिलिव्हरी केली आणि आई-बाळ दोघेही सुरक्षित आहेत.”

काय म्हणाले प्रत्यक्षदर्शी?
बैंकॉकमधील रहिवाशांनी सांगितलं की, “इमारती हादरत होत्या, लोक रस्त्यावर धावत होते. पण या सगळ्यात बाळाचा जन्म पाहून आम्हाला धक्काच बसला. हॉस्पिटलच्या लोकांनी खूप चांगलं काम केलं.” या भूकंपात म्यांमारमध्ये १००० हून अधिक लोकांचा मृत्यू झाला, तर थाईलंडमध्येही अनेक जण जखमी झाले. तरीही, या संकटात एक नवं जीवन जन्माला आलं, ज्यामुळे लोकांना थोडासा दिलासा मिळाला.

दरम्यान, शनिवारी सकाळपर्यंत बैंकॉकमधील परिस्थिती हळूहळू सामान्य होत आहे. सरकारने जखमींसाठी मोफत उपचार आणि नुकसानग्रस्त इमारतींची पाहणी सुरू केली आहे. या बाळाची आणि त्याच्या आईची कथा आता सगळीकडे चर्चेचा विषय बनली आहे. “मी भूकंपात जन्मलो,” असं हे बाळ मोठं झाल्यावर नक्कीच सांगेल.