Karale Guruji । खदखद’ कराळे गुरुजी म्हणून संपूर्ण देशात ओळख मिळालेले वर्धा जिल्ह्यातील नितेश कराळे लोकसभा निवडणुक लढण्यास इच्छुक आहे. समाज माध्यमांवर त्यांचे लाखो फालोअर्स असून यामुळे कराळे यांच्या व्हीडीओंची सर्वत्र चर्चा असते. गेल्या काही दिवसांपासून कराळे गुरुजी लोकसभा निवडणुकीच्या रिंगणात उतरण्याची चर्चा राजकीय वर्तुळात रंगली होती. अशात काही दिवसांपूर्वी पुण्यात शरद पवार यांची भेट घेऊन वर्धा लोकसभा मतदारसंघातून आपल्याला तिकीट देण्यात यावं, अशी कराळे गुरुजींची मागणी आहे. तर कराळे गुरुजी यांनी आज शरद पवारांच्या राष्ट्रवादीत प्रवेश केला आहे. शरद पवारांची राष्ट्रवादी काँग्रेस शनिवारी (दि.30) आज लोकसभा उमेदवारांची पहिली यादी जाहीर करणार असतानाच कराळे मास्तरांनी आज (दि.29) पक्षप्रवेश केला. त्यामुळे त्यांना लोकसभेसाठी उमेदवारी जाहीर होणार का? याकडे सर्वांचे लक्ष आहे. karale guruji माध्यमांशी बोलतांना कराळे गुरुजी म्हणाले होते की… ‘मी मागे काही भेटी घेतल्या, पवार साहेबांचा आणि जयंत पाटील यांचा आशीर्वाद असेल तर मी वर्धा मध्ये लोकसभा निवडणूक नक्की लढवेल. स्थानिक पातळीवर मला मोठा पाठिंबा आहे . प्रचंड मताने मी विजयी होऊ शकतो हाच निरोप मी आज शरद पवारांकडे घेऊन आलो होतो. महाविकास आघाडी मधल्या कुठल्या ही घटक पक्षाकडून मी निवडणूक लढवू शकतो. असंविधनक सरकार चुकीचे निर्णय घेत आहेत, पवार साहेब माझ्याबाबत सकारात्मक आहेत. एक तरुण पिढी आणि युवकांनी राजकारणात यावी असं त्यांचं मत आहे. मी माझ्या बाजूने तयारी सुरू केलेली आहे, संध्याकाळ पर्यंत निश्चित होईल. अपक्ष लढतीच्या बाबत आत्ता सांगता येणार नाही.’ हे वाचलं का ? ‘मोदी सरकारने तरुणांना नोकरी तर शेतकऱ्यांना हमी दिली का? ते जनतेला कर्जात बुडवत आहे का ?’
