Dhurandhar 2 : धुरंधर या चित्रपटाच्या अभूतपूर्व यशानंतर आता धुरंधरच्या दुसऱ्या भागाविषयी सतत काहीना काही अपडेट समोर येत आहेत. अभिनेता रणवीर सिंहची मुख्य भूमिका असलेल्या धुरंधरच्या दुसऱ्या भागाची चाहते आतुरतेने वाट पाहत आहेत. या चित्रपटात बडे साहेबची भूमिका कोण करणार याविषयी एक महत्वाची अपडेट समोर आली आहे. मीडिया रिपोर्टनुसार, सलमान खान ही भूमिका साकारू शकतो असे सांगितले जात आहे. पण या केवळ अफवा असल्याचे स्पष्टीकरण चित्रपटाच्या निर्मात्यांनी दिले आहे. त्यामुळे आता बडे साहबच्या भूमिका कोण साकारणार याविषयी चर्चा रंगल्या आहेत. दिग्दर्शक आदित्य धर दिग्दर्शित ‘धुरंधर: द रिव्हेंज’ हा चित्रपट या वर्षी १९ मार्च रोजी चित्रपटगृहात प्रदर्शित होणार आहे. या चित्रपटाच्या पहिल्या भागात रणवीर सिंहने एका भारतीय गुप्तहेराची भूमिका साकारली आहे. दुसऱ्या भागातही पहिल्या भागातील आर. माधवन, अर्जुन रामपाल, राकेश बेदी, सारा अर्जुन आणि संजय दत्त हे कलाकार असणार आहेत, तर काही नवीन कलाकारांच्या समावेशाचीही चर्चा आहे. अभिनेत्री यामी गौतमची कॅमिओ निश्चित मानला जात आहे. पहिल्या भागात बडे साहेब नावाचा एक गूढ खलनायक दिसला होता. ही भूमिका दाऊद इब्राहिम किंवा मसूद अझहरसारख्या व्यक्तींपासून प्रेरित असू शकते अशी अटकळ बांधली जात होती. आता समोर आलेल्या माहितीनुसार, राज झुत्शी पाकिस्तानी जनरलची भूमिका करू शकतो, तर इमरान हाश्मी बडे साहेबची भूमिका साकारू शकतो अशी शक्यता आहे. मात्र, याबाबत अधिकृत घोषणा करण्यात आलेली नाही. इमरान हाश्मीने यापूर्वी सलमान खानच्या स्पाय थ्रिलर टायगर ३ मध्ये खलनायकाची भूमिका केली होती. धुरंधरची कथा एका गुप्त भारतीय एजंटभोवती फिरते जो पाकिस्तानातील कराचीच्या अंडरवर्ल्ड आणि राजकीय रचनेत घुसखोरी करतो आणि दहशतवादी नेटवर्क उध्वस्त करतो. हेही वाचा : Mrunal Thakur Interview: बॉडी शेमिंगने खचली होती मृणाल ठाकूर; अक्षय कुमारांच्या सल्ल्याने मिळाला नवा आत्मविश्वास
