Ramayana movie : रामायण चित्रपटातील कलाकारांबद्दल प्रेक्षकांमध्ये मोठी उत्सुकता आहे. या चित्रपटात अनेक पात्र असून बॅालीवूडमधील कोणत्या कलाकाराच्या वाटेला कोणते पात्रे येणार याषियी चर्चा केली जात आहे. अशाताच आता या चित्रपटातील एका पात्राबाबत मोठी अपडेट समोर आली आहे.

प्रेक्षक बऱ्याच काळापासून नितेश तिवारी यांच्या रामायण चित्रपटाची वाट पाहत आहेत. चित्रपटातील पात्रांबाबत अधिकृत घोषणा करण्यात आलेली नाही. मात्र, रावणाची पत्नीची म्हणजेच मंदोदरीची भूमिका प्रसिद्ध अभिनेत्री काजल अग्रवाल साकारणार आहे. तर केजीएफ फेम अभिनेता यश रावणाच्या भूमिकेत असणार आहे, अशी माहिती मीडिया रिपोर्टनुसार सांगण्यात आली आहे.

रामायण चित्रपटात अभिनेता रणबीर कपूर हा प्रभू श्री रामाच्या भूमिकेत दिसणार आहे. चित्रपटाच्या शुटिंगला देखील सुरूवात झाली आहे. ईटाइम्सच्या वृत्तानुसार, चित्रपटाशी संबंधित एका सूत्राने मंदोदरीच्या भूमिकेबद्दल माहिती दिली आहे. तो म्हणाला, ‘काजलने गेल्या आठवड्यात या चित्रपटात तिची लूक टेस्ट दिली आहे. ती यशसोबत मंदोदरीची भूमिका साकारत आहे. नुकतेच चित्रपटाच्या शुटिंगला सुरूवात झाली असून चित्रपटाची टीम रावणाच्या लंकेच्या भागाचे चित्रीकरण करत आहे.

रामायण दोन भागात 

रामायण चित्रपट दोन भागात प्रदर्शित होणार आहे. आतापर्यंत मिळालेल्या माहितीनुसार, सनी देओल यात हनुमानाची भूमिका साकारत आहे. साई पल्लवी सीता, तर कैकेयीच्या भूमिकेसाठी लारा दत्ताचे नाव येत आहे, तर शीबा चड्ढा मंथराच्या भूमिकेत असणार आहे. रवी दुबे लक्ष्मणाची भूमिका साकारणार आहे. शूर्पणखाच्या भूमिकेसाठी रकुल प्रीत सिंगचे नाव पुढे येत आहे. रामायणाचा पहिला भाग २०२६ च्या दिवाळीच्या शुभमूर्हतावर प्रदर्शित करण्याचा विचार टीमकडून करण्यात येत आहे.