कोई मिल गया सिनेमातील ‘हा’ अभिनेता क्रिश 4 मध्ये साकारणार व्हिलन? दिली हिंट म्हणाला “प्रेक्षक मला आणि….”
Rajat Bedi : ‘बॅड्स ऑफ बॉलीवूड’ या वेबसिरीजमधून पुन्हा एकदा सिनेइंडस्ट्रीत दमदार कम बॅक केल्यानंतर अभिनेता रजत बेदी चांगलाच चर्चेत आला आहे. २००३ मध्ये अभिनेता रजत बेदी ‘कोई मिल गया’ सिनेमात खलनायकाच्या भूमिकेत दिसला होता. त्यानंतर तो सिनेमा इंडस्ट्रीपासून बराच काळ अलिप्त राहिला होता. आता मोठ्या ब्रेकनंतर तो या वेबसिरीजमधून प्रेक्षकांला भेटीला आला. या वेबसिरीजला चांगला प्रतिसाद मिळत असून, अभिनेता किरण बेदीच्या अभिनयाचे प्रेक्षक कौतक करत आहेत.
आता तो लवकरच आणखी एका मोठ्या सिनेमात खलनायकाच्या भूमिकेत दिसणार असल्याच्या जोरदार चर्चा सुरू झाल्या आहेत. मीडिया रिपोर्टनुसार, अभिनेता हृतिक रोशन याच्या बहुचर्चेित “क्रिश ४” सिनेमावर काम सुरू असून, या सिनेमात किरण बेदी खलनायकाच्या भूमिकेत दिसू शकतो, असे सांगितले जात आहे. नुकत्याच दिलेल्या एका मुलाखतीत अभिनेत्याने याबाबत संकेत दिले आहेत. मुलाखतीत त्याला पुढच्या प्रोजेक्टबद्दल प्रश्न विचारण्यात आले. तेव्हा त्याने ‘क्रिश ४’ चा भाग होण्याची इच्छा व्यक्त केली.
रजत म्हणाला की, हृतिक रोशन आणि राकेश रोशन यांच्याबद्दल खूप आदर आहे आणि त्यांच्यासोबत पुन्हा काम करण्याची संधी मिळावी यासाठी तो प्रार्थना करत आहे. पुढे अभिनेता हृतिक रोशनचे कौतुक करताना म्हणाला, आज हृतिक केवळ एक स्टार नाही तर एक प्रतिष्ठित व्यक्ती आहे. रजतच्या शब्दांत सांगायचे तर, ‘तो असा अभिनेता आहे ज्याची तुलना कोणाशीही होऊ शकत नाही. अभिनय, लूक आणि नृत्य, या सर्व बाबतीत तो सर्वोत्तम आहे.
प्रेक्षक मला आणि हृतिकला पुन्हा एकदा मोठ्या पडद्यावर एकत्र पाहू इच्छितात. मी फक्त राकेशजी आणि हृतिकसोबत काम करण्याची संधी मिळावी यासाठी प्रार्थना करत आहे. असे त्याने स्पष्ट केले. रजत बेदी बऱ्याच काळापासून सिनेमा इंडस्ट्रापासून दूर होता. परंतु, अलीकडेच त्यांनी आर्यन खानच्या ‘बॅड्स ऑफ बॉलिवूड’ या वेबसिरीजद्वारे सिनेसृष्टीत पुन्हा एकदा पुनरागमन केले आहे.
