Param Sundari Teaser : गेल्या काही महिन्यांपूर्वी जान्हवी कपूर आणि सिद्धार्थ मल्होत्रा यांच्या परम सुंदरी चित्रपटाचे पोस्टर रिलीज करण्यात आले होते. यानंतर आता या चित्रपटाचा पहिला टीझर प्रेक्षकांच्या भेटीला आला आहे. या सुंदर अशा टीझरमधून सिद्धार्थ आणि जान्हवी यांच्या लव्हस्टोरीची झलक पाहायला मिळत आहे. सिद्धार्थ हा उत्तर भारताचा परम बनला आहे, तर जान्हवी दक्षिण भारताची सुंदरी बनली आहे.

टीझरच्या सुरुवातीला, सिद्धार्थच्या पात्राची परमची ओळख करून दिली जाते, जो उत्तरेकडील गुरुग्राम शहरात काम करतो. तो एका दक्षिणेकडील सुंदरी अर्थात जान्हवीच्या प्रेमात पडतो. दोघेही एकमेकांच्या प्रेमात पुरते वेडे झालेले असतात. दोघेही प्रेमाच्या न्हावेत स्वार झालेले असतानाच त्यांच्या लव्हस्टोरीत एक मोठा ट्विस्ट येतो. यानंतर परिस्थिती थोडी बिकट होते. यामुळे परम आणि सुंदरी यांची लव्हस्टोरी पूर्ण होते की नाही हे चित्रपट पाहिल्यानंतरच समजू शकेल. येत्या २५ जुलै रोजी परम सुंदरी हा चित्रपट थिएटर्समध्ये प्रदर्शित होणार आहे. या चित्रपटाचे दिग्दर्शन तुषार जलोटा यांनी केले आहे, तर दिनेश विजन यांनी चित्रपटाची निर्मिती केली आहे.

‘परम सुंदरी’ हा चित्रपट उत्तर-दक्षिण लव्हस्टोरी दाखविण्यात आली आहे. याआधी बॉलिवूडमध्ये यावर आधारित चित्रपट तयार करण्यात आले आहेत. २०१३ मध्ये, शाहरुख खान-दीपिकाचा ‘चेन्नई एक्सप्रेस’ आणि अर्जुन कपूर-आलिया भट्टचा ‘२ स्टेट्स’ या चित्रपटांमध्ये उत्तर-दक्षिण अशा प्रेमकथेवर आधारित चित्रपट आहेत. ‘मॅडॉक फिल्म्स’ त्यांच्या प्रत्येक चित्रपटात वेगळी कथा आणण्यासाठी ओळखली जाणारी निर्मिती संस्था आहे. यामुळे आता ‘परम सुंदरी’ चित्रपटात लव्हस्टोरी कशी असणार हे पाहणे उत्सुकतेचे असणार आहे.

हेही वाचा: संजय राऊतांचं थेट एकनाथ शिंदेंना पत्र; ‘नरकातला स्वर्ग’ पुस्तकाची प्रत पाठवत, म्हणाले… ”आपण एक साक्षीदार आहात”