Donald Trump Tariffs | अमेरिकेचे राष्ट्राध्यक्ष डोनाल्ड ट्रम्प यांनी १ ऑगस्टपासून भारतीय वस्तूंवर २५% टॅरिफ लावला होता आणि काही दिवसांनी त्यात २५% ची आणखी वाढ केली. भारताने रशियाकडून तेल खरेदी करणे सुरू ठेवल्यामुळे हे टॅरिफ लावण्यात आले. भारताच्या या कृतीमुळे रशियाच्या युक्रेन युद्धाच्या उद्दिष्टांना प्रोत्साहन मिळत असल्याचा ट्रम्प यांनी दावा केला आहे. मात्र ट्रम्प यांनी भारतातून आयात होणाऱ्या वस्तूंवर ५० टक्के टॅरिफ लादल्याने अमेरिकेत महागाई वाढली आहे. यानंतर आता ट्रम्प यांनी भारतीय वस्तूंवर लावलेले हे शुल्क हटवण्याची मागणी जोर धरू लागली आहे. अमेरिकेच्या हाऊस ऑफ रिप्रेझेंटेटिव्हजच्या तीन सदस्यांनी अध्यक्ष डोनाल्ड ट्रम्प यांच्या भारतविरोधी टॅरिफ धोरणाला हटवण्यासाठी एक मोठं पाऊल उचललं आहे. भारतावर लादलेले टॅरिफ मागे घेण्याची मागणी अमेरिकेतील तीन लोकप्रतिनिधींनी याविरोधात ठराव मांडला असून भारतावर लादलेले टॅरिफ मागे घेण्याची मागणी केली आहे. हा प्रस्ताव रिप्रेझेंटेटिव्ह्स डेबोरा रॉस, मार्क वीसी आणि राजा कृष्णमूर्ती यांनी मांडला आहे. या खासदारांनी भारतावर लादलेल्या २५% च्या सेकंडरी टॅरिफला थेट आव्हान देणारा प्रस्ताव सादर केला आहे. इंटरनॅशनल इमर्जन्सी इकॉनॉमिक पॉवर्स ॲक्ट अंतर्गत मिळालेल्या अधिकारांचा वापर करून भारताकडून येणाऱ्या वस्तूंवर वाढवलेल्या खर्चांशी हा प्रस्ताव जोडलेला आहे. या टॅरिफमुळे वस्तूंची आयात महाग झाली आहे. याचा परिणाम अमेरिकन कंपन्या आणि सामान्य खरेदीदारांवर होत असल्याचे या खासदारांचं म्हणणे आहे. Donald Trump Tariffs | ‘वाढत्या टॅरिफमुळे धोका निर्माण होऊ शकतो’ याबाबत डेबोरा रॉस यांनी सांगितलं की, टॅरिफमुळे भारतासोबतचे अमेरिकेचे संबंध बिघडू शकतात. हे संबंध हजारो नोकऱ्या आणि अब्जावधी डॉलर्सच्या गुंतवणुकीचा आधार आहेत. भारतीय कंपन्यांनी अमेरिकेत मोठी गुंतवणूक केली असून, त्यामुळे हजारो लोकांना रोजगार मिळाला आहे. वाढत्या टॅरिफमुळे या फायद्यांना धोका निर्माण होऊ शकतो. हा सर्वसामान्य अमेरिकन नागरिकांवरील कर असल्याचंही रॉस म्हणालेत. टेक्सासचे प्रतिनिधी मार्क वीसी म्हणाले की, “हे टॅरिफ अशा कुटुंबांवर अतिरिक्त आर्थिक भार टाकत आहेत जे आधीच वाढत्या महागाईशी झगडत आहेत. भारत एक महत्त्वाचा सांस्कृतिक, आर्थिक आणि धोरणात्मक भागीदार आहे आणि हे अवैध टॅरिफ उत्तर टेक्सासमधील सामान्य नागरिकांवरील एक कर आहे, जे आधीच वाढत्या खर्चांमुळे त्रस्त आहेत,” असंही ते म्हणाले. Donald Trump Tariffs | टॅरिफ रद्द केल्यास अमेरिका-भारतातील आर्थिक आणि सुरक्षा संबंध मजबूत होण्यास मदत तर राजा कृष्णमूर्ती यांनी पुरवठा साखळीत येणारे अडथळे आणि अमेरिकन कर्मचाऱ्यांवर होणारा नकारात्मक परिणाम यावर त्यांनी भर दिला. कृष्णमूर्ती म्हणाले, “हे टॅरिफ अमेरिकेचे हित किंवा सुरक्षा साधण्याऐवजी, पुरवठा साखळी विस्कळीत करतात, अमेरिकन कर्मचाऱ्यांचं नुकसान करतात आणि ग्राहकांसाठी खर्च वाढवतात. टॅरिफ रद्द केल्यास अमेरिका आणि भारत आर्थिक आणि सुरक्षा संबंध अधिक मजबूत होण्यास मदत होईल, असे ते म्हणाले. Donald Trump Tariffs | हेही वाचा: “पार्थ पवार सांगतील तेच…”; पुणे जमीन गैरव्यवहार प्रकरणावर संजय राऊतांचं मोठं भाष्य; अजित पवारांवर थेट प्रहार म्हणाले…
