Uddhav Thackeray And Raj Thackeray | महाराष्ट्रातील विधानसभा आणि विधान परिषदेतील विरोधी पक्षनेतेपद रिक्त आहे. या दोन्ही पदांसाठी महाविकास आघाडीमध्ये काँग्रेस आणि उद्धव ठाकरेंची शिवसेना यांच्यात जोरदार रस्सीखेच सुरू आहे. त्यामुळे महाविकास आघाडीतील काँग्रेसनं विधान परिषदेसाठी तर विधानसभेसाठी शिवसेना उद्धव ठाकरे पक्षाकडून दावा करण्यात आला आहे. या पार्श्वभूमीवर मुंबईत राजकीय हालचाली वाढल्या आहेत. मातोश्रीवर काल शिवसेना पक्षप्रमुख उद्धव ठाकरे यांची काँग्रेस नेत्यांनी भेट घेतली. यावेळी विधान परिषदेच्या विरोधी पक्षनेतेपदासह विविध मुद्यांवर चर्चा करण्यात आली. याशिवाय आगामी स्थानिक स्वराज्य निवडणुकीसंदर्भातही महत्त्वाची चर्चा झाल्याचे बोलले जात आहे. यावेळी उद्धव ठाकरे यांनी ‘मातोश्री’वर आलेल्या काँग्रेसच्या नेत्यांसमोर मनसे अध्यक्ष राज ठाकरे यांच्या महाविकास आघाडीतील एन्ट्रीबाबत चर्चा झाल्याची माहिती समोर आली आहे. दिल्लीतून होणार अंतिम निर्णय? मात्र दिल्लीतून ग्रीन सिग्नल आल्यानंतरच राज्यातील काँग्रेस नेते राज ठाकरेंना सोबत घेण्याबाबत आपली भूमिका स्पष्ट करतील. महाविकास आघाडीत उद्धव ठाकरे यांची शिवसेना, काँग्रेस आणि शरदचंद्र पवार राष्ट्रवादी काँग्रेसचा समावेश आहे. त्यामुळे महाविकास आघाडीमध्ये मनसे पक्षाला समाविष्ट करायचे झाल्यास इतर दोन्ही घटक पक्षांशी चर्चा करावी लागणार आहे. सतेज पाटील यांचं नाव चर्चेत सध्या विधान परिषदेत महाविकास आघाडीमध्ये काँग्रेसकडे सर्वाधिक संख्याबळ आहे. त्यामुळे विधान परिषद विरोधी पक्षनेतेपदावर काँग्रेस पक्षानं दावा ठोकला आहे. यात विधान परिषदेत ठाकरेंच्या शिवसेनेचे 6, काँग्रेस पक्षाचे 8 आणि राष्ट्रवादी काँग्रेस शरदचंद्र पवार पक्षाचे 2 आमदार आहेत. काँग्रेसकडून विरोधी पक्षनेते पदासाठी काँग्रेसकडून सतेज पाटील यांचं नाव सर्वाधिक चर्चेत आहे. हेही वाचा: Birthday Special: फिल्मी हिरोला खऱ्या आयुष्यात भेटले व्हिलन… अक्षय कुमारचा धक्कादायक किस्सा !
