चंदीगड : हरियाणातील मतदानादरम्यान काँग्रेस नेते सचिन पायलट यांनी वक्तव्य केले आहे. मला आनंद होत आहे की मोठ्या संख्येने लोक मतदान करत आहेत. हरियाणात काँग्रेसचे सरकार स्थापन होणार आहे असा विश्वास त्यांनी व्यक्त केला आहे. राजस्थानचे माजी उपमुख्यमंत्री सचिन पायलट म्हणाले की, आम्ही प्रचंड बहुमताने सरकार स्थापन करू जनतेने भाजपचे सरकार पाहिले आहे. आम्हाला मिळणारा प्रतिसाद पाहुन त्याबाबत आम्ही आशावादी आहोत.
दरम्यान, यावेळी हरियाणा विधानसभा निवडणुकीच्या प्रचाराला सुरूवात झाल्यापासूनच काँग्रेसला विजयाचा विश्वास वाटत आहे. यावेळी भाजप सत्तेतून बाहेर पडणार असल्याचा दावा प्रत्येक कॉंग्रेस नेता करत आहे. मात्र, भाजप विजयाची हॅट्ट्रिक करेल, असा दावा त्यांच्याकडूनही केला जात आहे. निवडणूक प्रचारादरम्यान भाजप आणि काँग्रेसमध्ये आरोप-प्रत्यारोपांचा हल्लाबोल सुरू होता आणि दोन्ही पक्षांना अंतर्गत कुरबुरींचा आणि पक्षांतर्गत नाराजीचाही सामना करावा लागला आहे.
लोक काँग्रेसला आशीर्वाद देतील – दीपेंद्र सिंह हुडा
काँग्रेस नेते दीपेंद्र सिंग हुड्डा म्हणाले की, हरियाणातील लोकांनी बदलासाठी आपले मन बनवले आहे आणि हा ट्रेंड संपूर्ण हरियाणामध्ये दिसत आहे. भाजपवर हल्लाबोल करताना दीपेंद्र हुड्डा म्हणाले की, काँग्रेसचा मुख्यमंत्री कोण होणार हा मुख्य मुद्दा भाजपकडे चर्चेचा राहिला आहे. याचा अर्थ काँग्रेस सत्तेवर येत असल्याचे त्यांनी मान्य केले आहे. आणि जनता काँग्रेस पक्षाला त्यांचे आशीर्वाद देणार आहे.
मतदानाच्या दोन दिवस आधी काँग्रेसमध्ये परतलेल्या अशोक तंवर यांनी आपला पक्ष किमान 75 जागा जिंकेल असा दावा केला आहे. राज्यात परिवर्तनाचे वातावरण दिसत असून काँग्रेसला मोठे यश मिळेल, असे ते म्हणाले.
