Awarapan 2 : बॉलिवूड अभिनेता इम्रान हाश्मीचा बहुप्रतीक्षित चित्रपट ‘आवारापन २’ सध्या चर्चेचा विषय ठरला आहे. चित्रपटाच्या प्रदर्शनाच्या तारखेबाबत सोशल मीडियावर विविध चर्चा रंगत असताना इम्रान हाश्मीने स्वतः पुढे येत सर्व अफवांना पूर्णविराम दिला आहे. (Awarapan 2)

१४ अॅागस्ट या दिवशी सनी देओलची मुख्य भूमिका असलेला ‘बटवारा १९४७’ हा चित्रपट प्रदर्शित होणार आहे. यामुळे ‘आवारापन २’ची प्रदर्शनाची तारीख पुढे ढकलली जाऊ शकते, अशी चर्चा सुरू होती. मात्र, अभिनेत्याने सोशल मीडियावरुन व्हिडिओ शेअर करत स्पष्ट केले आहे की, चित्रपटाचे प्रदर्शन ठरल्यानुसार होणार असून त्यात कोणताही बदल होणार नाही.  (Awarapan 2)

अलीकडेच इन्स्टाग्राम लाईव्हदरम्यान चाहत्यांशी संवाद साधताना इम्रानने या चर्चांवर प्रतिक्रिया दिली. तो म्हणाला, “चित्रपट पुढे ढकलला जात नाहीये. आम्ही १४ ऑगस्टलाच प्रेक्षकांच्या भेटीला येत आहोत. सोशल मीडियावर कोणीही काहीही लिहितं आणि त्यातून अफवा पसरतात. पण आमची रिलीज डेट बदललेली नाही.”  (Awarapan 2)

या चित्रपटाचा ट्रेलर कधी रिलीज होणार याची मोठी उत्सुकता चाहत्यांना लागली आहे. याविषयी देखील इम्रानने महत्वाची माहिती शेअर केली.

#EmraanHashmi confirms that #Awarapan2 is not postponed …trailer will release soon and #Awarapan part 1 will release after release of part 2.

Awful release strategy and marketing, going by current trend…

It has killed all good buzz around movie #EmraanHashmi deserves… pic.twitter.com/fOKMUukIpz

— Movie_Reviews (@MovieReview_Hub) August 4, 2026

ट्रेलर लवकरच प्रेक्षकांच्या भेटीला येणार असल्याचे त्यांनी सांगितले. चर्चेनुसार ट्रेलर ६ किंवा ७ अॅागस्टला रिलीज होऊ शकतो. ‘अवारापन’च्या आठवणींना उजाळा देताना इम्रान म्हणाला, “पहिला चित्रपट पाहिलेल्या प्रेक्षकांना सिक्वेल पाहताना जुन्या आठवणी पुन्हा ताज्या होतील. त्याचबरोबर नव्या पिढीतील प्रेक्षकांसाठी ही एक वेगळी आणि रोमांचक कथा असेल.”  (Awarapan 2)

विशेष म्हणजे निर्माते २००७ मध्ये प्रदर्शित झालेला मूळ ‘अवारापन’ चित्रपट पुन्हा प्रदर्शित करण्याचाही विचार करत आहेत. इम्रानने याबाबत संकेत देत सांगितले की, सिक्वेलनंतर प्रेक्षकांना शिवम पंडितची मूळ कथा पुन्हा मोठ्या पडद्यावर पाहण्याची संधी मिळू शकते. (Awarapan 2)

‘अवारपन २’ हा २००७ च्या सुपरहिट आणि कल्ट क्लासिक चित्रपट ‘अवारापन’चा सिक्वेल आहे. या चित्रपटात इम्रान हाश्मीसोबत दिशा पटानी, शबाना आझमी, सुविंदर विकी आणि अतुल कुमार यांच्याही महत्त्वाच्या भूमिका आहेत. चित्रपटाचे दिग्दर्शन नितीन कक्कर यांनी केले असून निर्मिती विशेष भट्ट यांनी केली आहे.    (Awarapan 2)

चित्रपटाच्या कथेबद्दल बोलायचे झाल्यास, इम्रान पुन्हा एकदा ‘शिवम पंडित’ या लोकप्रिय भूमिकेत प्रेक्षकांच्या भेटीला येणार आहे. प्रेम, वेदना, पश्चात्ताप आणि गुन्हेगारीच्या जगाशी संबंधित त्याचा प्रवास या सिक्वेलमध्ये उलगडणार आहे. पहिल्या भागाप्रमाणेच हा चित्रपटही भावनिक, अॅक्शन आणि रोमँसचा संगम असलेला थरारक अनुभव देणारा असेल, अशी चर्चा आहे.   (Awarapan 2)

Chhaya Kadam: “तो आजही माझा नागराज आहे…” छाया कदम यांनी सांगितली नागराज मंजुळेंसोबतच्या मैत्रीची खास गोष्ट