Amit Thackeray |  मुख्यमंत्री देवेंद्र फडणवीस आणि राज ठाकरे यांच्यात शिवतीर्थ या निवास्थानी सव्वा तास बैठक पार पडली. या भेटीनंतर राजकीय वर्तुळात चर्चांना उधाण आले आहे. यादरम्यान आता राज ठाकरे यांचे पुत्र अमित ठाकरे यांना राज्यपाल नामनियुक्त आमदार म्हणून विधानपरिषदेवर पाठवण्याची शक्यता असल्याची माहिती समोर आली आहे.

भाजपच्या कोट्यातून अमित ठाकरे यांना विधानपरिषदेवर पाठवण्यात येण्याची शक्यता आहे. या शिवाय आगामी स्थानिक स्वराज्य संस्था निवडणुकीत मनसे आणि भाजप युती होण्याची शक्यता देखील व्यक्त केली जात आहे. सध्या राज्यपाल नियुक्त आमदारांच्या एकूण 12 जागांपैकी 5 जागा रिक्त आहेत. राज्यपाल नामनिर्देशित कोट्यातून सध्या भाजपच्या चित्रा वाघ, विक्रांत पाटील, बाबूसिंग महाराज राठोड, शिवसेनेचे हेमंत पाटील, मनीषा कायंदे आणि राष्ट्रवादी काँग्रेसचे पंकज भुजबळ, इद्रिस नायकवडी विधानपरिषदेवर आमदार आहेत.

 स्थानिक स्वराज्य संस्थांच्या निवडणुकीत भाजप-मनसे युती होणार ? 

दरम्यान, स्थानिक स्वराज्य संस्थांच्या निवडणुकांमध्ये भाजप मनसेची साथ घेणार असल्याची माहिती आहे. स्थानिक स्वराज्य संस्थांच्या निवडणुकीत भाजप-मनसे युती होणार असल्याचे संकेत मिळाले आहेत. त्यामुळे राज्याच्या राजकारण मोठी उलथापालथ होणार असे हे संकेत आहे. आगामी काळात भाजप मनसेच्या नव्या मैत्रीचं पर्व सुरु होणार का ते पाहावं लागेल. Amit Thackeray |

अमित ठाकरे यांनी विधानसभा निवडणूक माहीम विधानसभा मतदारसंघातून लढवली होती. माहीममध्ये तिरंगी निवडणूक झाली होती. येथे उद्धव ठाकरेंच्या शिवसेनेचे महेश सावंत यांनी सदा सरवणकर आणि अमित ठाकरे यांचा पराभव केला होता. मात्र आता अमित ठाकरे यांना भाजपकडुन संधी दिली जाण्याची चर्चा सध्या रंगली आहे. Amit Thackeray |

हेही वाचा: 

शेअर बाजाराची घसरणीसह सुरुवात, ट्रम्प यांच्या एका निर्णयामुळे ‘या’ शेअर्सला बसला सर्वाधिक फटका