माद्रिद, अथेन्स, रोम, इस्तंबुल,  – बुधवारी दक्षिण युरोपमध्ये उष्णतेच्या लाटेमुळे आणि जोरदार वाऱ्यांमुळे लागलेल्या वणव्यांचा भडका कायम राहिला. या वणव्यांमुळे घरे, शेती आणि कारखाने जाळून टाकली आहेत आणि हजारो रहिवासी आणि पर्यटकांना स्थलांतरित करावे लागले आहे.

ग्रीकमध्ये अथेन्सच्या पश्चिमेला उत्तर पेलोपोनीजमधील पात्रास या शहराच्या बाहेरील भागात, ऑलिव्ह ग्रोव्ह आणि जंगलांमधून पसरलेल्या वणव्यामुळे आग लागली आणि रेल्वे वाहतूक विस्कळीत झाली. मंगळवारी पात्रास जवळील सुमारे ७,७०० लोकसंख्येच्या शहरातील रहिवाशांना अधिकाऱ्यांनी स्थलांतर करण्याचे आदेश दिले आणि बुधवारी जवळच्या दोन गावांतील रहिवाशांना त्यांची घरे सोडण्याचा सल्ला देणारे नवीन अलर्ट जारी केले.

स्पेनमध्ये, एका स्वयंसेवक अग्निशमन दलाच्या जवानाचा गंभीर भाजल्यामुळे मृत्यू झाला आणि अनेक लोकांना रुग्णालयात दाखल करण्यात आले. जवळजवळ संपूर्ण देशाला वणव्याचा खूप जास्त धोका आहे, असा इशारा देण्यात आला आहे. देशात विविध ठिकाणी लागलेल्या आगींपैकी काही आगी मुद्दाम लावल्या गेल्याचा संशय आहे.

अल्बानियामध्येही अनेक ठिकाणी वणवे पेटल्याची माहिती मिळते आहे. स्पेनची राजधानी माद्रिदच्या जवळच मोठा वणवा पेटलेला असून यामुळे शहरातील अनेक इमारतींना धोका निर्माण झाला आहे. तुर्कीयेच्या काही भागात गेल्या आठवड्यापासून वणवा पेटलेला असून वाळलेल्या गवतामुळे आणि वाऱ्यामुळे हा वणवा वेगाने पसरत चालला आहे. संयुर्ण युरोपात उष्णतेची तीव्र लाट असून सर्वाधिक तापमानाची नोंद स्पेनमध्ये ४५ अंश इतकी नोंदवली गेली आहे.