Pune News : राज्यात महिलांवर होत असलेल्या हिंसाचारांच्या घटनेत दिवसेंदिवस वाढ झाली आहे. अशातच पुण्यातून एक धक्कादायक घटना समोर आली आहे. भाजपच्या एका बड्या मंत्र्यांच्या विशेष कर्तव्य अधिकाऱ्याने (OSD) पत्नीची खून करण्याचा प्रयत्न करत मुलाने बॅटने मारहाण करण्यात आल्याचा आरोप करण्यात आला आहे. या प्रकरणी विजय धुलचंद कारंडे यांच्याविरोधात पुण्यातील कोरेगाव पार्क पोलिसांत गुन्हा दाखल करण्यात आला आहे. नेमकं काय घडलं? (Pune News) मिळालेल्या माहितीनुसार, 30 एप्रिल रोजी कोरेगाव पार्क परिसरातील विजय कारंडे यांच्या निवासस्थानी ही घटना घडली. पत्नीने कारंडे यांच्या मोबाईलमधील काही चॅटबाबत विचारणा करत पासवर्ड मागितल्याने वादाला सुरुवात झाली. या वादाचे रूपांतर हिंसक भांडणात झाले. कारंडे यांना राग अनावर झाला आणि त्यांनी पत्नीचा गळा दाबल्याचा प्रयत्न केला. यावेळी भांडणात मुलगा मध्ये पडला असता त्यालाही क्रिकेट बॅटने बेदम मारहाण केल्याचा आरोप त्यांच्यावर आहे. Pune News : पत्नीने चॅटिंगबाबत केली विचारणा; पतीला राग अनावर झाला अन्; बड्या मंत्र्याच्या OSD चा प्रताप, नेमकं काय घडलं? या घटनेनंतर त्यांच्या पत्नीने थेट पोलिस ठाणे गाठून तक्रार दाखल केली. या तक्रारीत वरील आरोप विजय कारंडे यांच्यावर करण्यात आले आहेत. पोलिसांनी या प्रकरणी खूनाचा प्रयत्न, जखमी करणे आणि धमकी देणे अशा विविध कलमान्वये गुन्हा दाखल केला आहे. दरम्यान, विजय कारंडे हे नांदेड येथील समाज कल्याण विभागात कार्यरत असून सध्या मुंबईतील मंत्रालयात प्रतिनियुक्तीवर कार्यरत आहेत. या घटनेमुळे घरगुती हिंसाचाराचा मुद्दा पुन्हा एकदा चर्चेत आला आहे. हेही वाचा : West Bengal election: पश्चिम बंगालमध्ये उत्साहाचे वातावरण ; ‘या’ दिवशी होणार नवीन सरकारचा शपथविधी
