Who is Nimisha Priya ? येमेनचे राष्ट्राध्यक्ष रशाद अल-अलिमी यांनी एका भारतीय नर्सला फाशीची शिक्षा सुनावली आहे. निमिषा प्रिया असे नर्सचे नाव आहे. निमिषा प्रियावर हत्येचा गुन्हा दाखल आहे. त्यात ती दोषी आढळली असून तिला फाशीची शिक्षा सुनावण्यात आली आहे. या प्रकरणात निमिषा 2017 पासून येमेनच्या तुरुंगात आहे. मात्र तिला फाशीची होऊ नये, यासाठी तिच्या कुटुंबाकडून खूप प्रयत्न करण्यात आले होते. मात्र त्याचा काहीही उपयोग झाला नाही. निमिषा एका येमेनी नागरिकाच्या हत्येप्रकरणी दोषी आहे. तिला एका महिन्यात फाशीची शिक्षा देण्यात येणार असून याबाबत भारताच्या परराष्ट्र मंत्रालयाला माहिती आहे. या प्रकरणी परराष्ट्र मंत्रालयाचे प्रवक्ते रणधीर जैस्वाल यांनी म्हटलं आहे की, आम्हाला निमिषा प्रियाच्या प्रकरणाची माहिती आहे. प्रियाचे कुटुंबीय अनेक पर्यायांवर विचार करत आहेत. सरकार या प्रकरणी सर्वतोपरी मदत करत आहे. आम्ही सर्व कायदेशीर मदत देऊ. काय आहे आरोप? नर्स निमिषा प्रियाला वर्ष 2017 मध्ये यमनचा नागरीक तलाल अब्दो महदीच्या हत्येत दोषी घोषित करण्यात आलं. त्यानंतर एक वर्षानंतर सुनावणी सुरू असताना ट्रायल कोर्टाने तिला मृत्यूची शिक्षा सुनावली. तेव्हापासून निमिषाचे कुटुंबीय तिच्या सुटकेसाठी प्रयत्न करत आहेत. ट्रायल कोर्टाच्या आदेशाविरोधात तिच्या कुटुंबियांनी सर्वोच्च न्यायालयात दाद मागितली. परंतु वर्ष 2023 मध्ये त्यांची याचिका फेटाळण्यात आली. यमनच्या राष्ट्रपतींनीही त्यांची याचिका फेटाळून लावली. कोण आहे निमिषा प्रिया? निमिषा प्रिया केरळमधील पलक्कड येथील रहिवासी आहे. ती व्यवसायाने नर्स आहे. ती 2008 मध्ये येमेनला गेली आणि काही वर्षे येमेनमधील खासगी रुग्णालयात काम केले. यानंतर 2011 मध्ये तिने टॉमी थॉमसशी लग्न केले आणि दोघांना एक मुलगी झाली, परंतु आर्थिक अडचणींमुळे पती आणि मुलीला 2014 मध्ये भारतात परतावे लागले. मात्र, कुटुंबाला आर्थिक मदत करता यावी म्हणून निमिषा यमनमध्येच राहिली. यानंतर 2015 मध्ये निमिषा आणि येमेनी नागरिक तलाल अब्दो यांनी मिळून क्लिनिक सुरू केले. तलालने कागदपत्रांमध्ये छेडछाड करून क्लिनिकचा ताबा घेतल्याचा आरोप आहे. इतकंच नाही तर त्याने निमिषाच्या लग्नाच्या जुन्या फोटोशी छेडछाड केली आणि तिला पत्नी म्हणायला सुरुवात केली. या विरोधात निमिषा कोर्टातही गेली आणि तलालला अनेकवेळा तुरुंगवास भोगावा लागला पण तरीही निमिशाला तिचा पासपोर्ट परत हवा होता जो तलालने त्याच्याकडे ठेवला होता. हा पासपोर्ट मिळवण्यासाठी 2017 मध्ये निमिषाने तलालला भूल देण्याचे इंजेक्शन दिले मात्र ओव्हरडोजमुळे तलालचा मृत्यू झाला. निमिषा प्रियाला जुलै 2017 मध्ये तलाल अब्दो महदी या येमेनी नागरिकाच्या हत्येप्रकरणी दोषी ठरवण्यात आले होते. मात्र, निमिषाचा हेतू त्याला बेशुद्ध करण्याचा होता, मात्र अतिसेवनामुळे तिचा मृत्यू झाला. त्यानंतर, प्रिया आणि तिचा सहकारी हनान, येमेनी नागरिक यांनी कथितपणे महदीच्या मृतदेहाचे तुकडे केले आणि पाण्याच्या टाकीत फेकले. दरम्यान, येमेनच्या ट्रायल कोर्टाने 2018 मध्ये प्रियाला फाशीची शिक्षा सुनावली होती आणि येमेनच्या सर्वोच्च न्यायालयाने 2023 मध्ये हा निर्णय कायम ठेवला होता. अलीकडे, येमेनचे राष्ट्राध्यक्ष रशाद अल-अलिमी यांनी फाशीच्या शिक्षेला मंजुरी दिली, ज्यामुळे आधीच तणावपूर्ण परिस्थिती आणखी वाढली. हेही वाचा: Jejuri : नव्या वर्षाची सुरूवात खंडोबा देवाच्या दर्शनाने….मल्हारगडावर भाविकांची गर्दी
