Swapnil Joshi | राज्यात सध्या सुरु असलेल्या मराठी – हिंदी भाषेच्या मुद्द्यावर मराठी अभिनेता स्वप्नील जोशीने आपली भूमिका स्पष्ट केली आहे. स्वप्नील जोशी धाराशिव जिल्हा प्रशासनाच्या वृक्ष लागवड मोहिमेत सहभागी झाला होता. यावेळी त्याने सामाजिक विषयावर देखील भाष्य केले आहे. ‘ज्याला हिंदी शिकायचं आहे त्यांनी जरुर शिकावं. पण, हिंदी शिकलीच पाहिजे, अशी सक्ती असू नये,’ असे मत त्याने यावेळी मांडले. स्वप्नील जोशी म्हणाले, “मराठी कलाकार आणि अभिनेता या पलिकडे जाऊन मी मराठी माणूस आहे. महाराष्ट्रात राहातो. ज्याला हिंदी शिकायची आहे, त्याने शिकावी. पण कुठल्याही भाषेची सक्ती केली जाणं चुकीचं आहे. मराठी माणूस म्हणून माझं वैयक्तिक मत आहे की मातृभाषेला गमावून दुसऱ्या भाषेचं दडपण येणं योग्य नाही.” सध्या स्वप्नीलने दिलेल्या प्रतिक्रियाची चांगलीच चर्चा रंगली आहे. दरम्यान, शाळांमध्ये पहिली पासून हिंदी सक्तीचा निर्णय राज्य सरकारने घेतला होता. पण वाढता विरोध लक्षात घेता सरकारने तो निर्णय मागे घेतला. त्यानंतर वेगवेगळ्या क्षेत्रातून याबाबत प्रतिक्रीया उमटल्या. अनेक जण हिंदी विरोधात एकवटले. राष्ट्रीय पातळीवरही याचे राजकीय पडसाद उमटले होते. हेही वाचा: झेलेन्स्कीची नरमाईची भूमिका ! पुतिन यांना दिली युद्धबंदीच्या वाटाघाटीची ऑफर, अमेरिकेविषयी केले ‘हे’ विधान
