Flipkart Big Billion Days: सणासुदीचा काळ सुरू होण्याआधीच ऑनलाइन शॉपिंग करणाऱ्या ग्राहकांसाठी एक मोठी बातमी समोर आली आहे. फ्लिपकार्टची वर्षातील सर्वात मोठी सेल म्हणजेच ‘बिग बिलियन डेज सेल 2026’ लवकरच सुरू होण्याची शक्यता आहे. या सेलची अधिकृत तारीख फ्लिपकार्टने अद्याप जाहीर केलेली नाही. मात्र, सोशल मीडियावर व्हायरल झालेल्या एका लीक टीझरमधून सेलच्या संभाव्य तारखेची आणि काही ऑफर्सची माहिती समोर आली आहे.

९ ऑक्टोबरपासून सेल सुरू होणार?  (Flipkart Big Billion Days)

लीक झालेल्या माहितीनुसार, फ्लिपकार्टची बिग बिलियन डेज सेल ९ ऑक्टोबर २०२६ पासून सुरू होऊ शकते. विशेष म्हणजे फ्लिपकार्ट प्लस आणि काही व्हीआयपी मेंबर्सना या सेलचा अर्ली अॅक्सेस मिळण्याची शक्यता आहे. म्हणजेच सामान्य ग्राहकांपेक्षा तब्बल एक दिवस आधी, म्हणजे ८ ऑक्टोबरपासून काही मेंबर्सना सेलमधील निवडक ऑफर्सचा फायदा घेता येऊ शकतो.

अर्ली अॅक्सेसचा फायदा विशेषतः लिमिटेड स्टॉक असलेल्या वस्तू खरेदी करताना होऊ शकतो. त्यामुळे एखादा स्मार्टफोन किंवा इलेक्ट्रॉनिक वस्तू खरेदी करण्याचा विचार असेल, तर मेंबर्सना आधी खरेदी करण्याची संधी मिळू शकते. मात्र, ही तारीख सध्या फक्त लीक झालेल्या माहितीनुसार आहे. फ्लिपकार्टने २०२६ च्या बिग बिलियन डेज सेलची अधिकृत तारीख अद्याप जाहीर केलेली नाही.

कोणत्या वस्तूंवर मिळणार ऑफर्स?   (Flipkart Big Billion Days)

बिग बिलियन डेज सेलमध्ये दरवर्षीप्रमाणे यंदाही इलेक्ट्रॉनिक्स आणि गॅजेट्सवर मोठ्या ऑफर्स मिळण्याची शक्यता आहे. स्मार्टफोन, लॅपटॉप, स्मार्ट टीव्ही, होम अप्लायन्सेस आणि इतर इलेक्ट्रॉनिक वस्तूंवर विशेष डिस्काउंट मिळू शकतो.

अॅपल, सॅमसंग, मोटोरोला यांसारख्या लोकप्रिय ब्रँड्सच्या उत्पादनांवरही स्पेशल प्राइस कट आणि लिमिटेड टाइम डील्स पाहायला मिळू शकतात. त्यामुळे नवीन आयफोन किंवा स्मार्टफोन घेण्याचा विचार करणाऱ्या ग्राहकांसाठी ही सेल महत्त्वाची ठरू शकते. याशिवाय एक्सचेंज ऑफर, नो-कॉस्ट ईएमआय आणि सुपरकॉइन्सच्या माध्यमातून अतिरिक्त बचतीची संधी मिळण्याची शक्यता आहे.

कोणत्या बँक कार्डवर मिळणार डिस्काउंट?  (Flipkart Big Billion Days)

Flipkart Big Billion Days: फ्लिपकार्टची बिग बिलियन डेज सेल कधी सुरू होणार?स्मार्टफोनपासून टीव्हीपर्यंत मिळणार मोठे ऑफर्स! 

लीक झालेल्या टीझरनुसार, अॅक्सिस बँक आणि आयसीआयसीआय बँकेच्या काही निवडक कार्ड्सवर १० टक्क्यांपर्यंत इन्स्टंट डिस्काउंट मिळू शकतो. मात्र, कोणत्या कार्डवर ही ऑफर लागू असेल, किमान किती रुपयांची खरेदी करावी लागेल आणि डिस्काउंटची कमाल मर्यादा किती असेल, याबाबत अद्याप स्पष्ट माहिती समोर आलेली नाही. त्यामुळे अधिकृत घोषणा झाल्यानंतरच या ऑफर्सच्या अटी स्पष्ट होतील.

२०२५ मध्ये काय मिळाले होते?  (Flipkart Big Billion Days)

गेल्या वर्षी म्हणजेच २०२५ मध्ये बिग बिलियन डेज सेल २३ सप्टेंबरपासून सुरू झाली होती. फ्लिपकार्ट प्लस आणि ब्लॅक मेंबर्सना २२ सप्टेंबरपासून अर्ली अॅक्सेस देण्यात आला होता. त्यावेळी अॅक्सिस बँक आणि आयसीआयसीआय बँकेच्या क्रेडिट कार्ड व्यवहारांवर १० टक्के इन्स्टंट बँक डिस्काउंट देण्यात आला होता. याशिवाय विविध उत्पादनांवर एक्सचेंज ऑफर, नो-कॉस्ट ईएमआय, सुपरकॉइन्स आणि इतर फायदेही देण्यात आले होते.

खरेदी करण्याआधी ही गोष्ट लक्षात ठेवा

जर तुम्ही या फेस्टिव्ह सीझनमध्ये नवीन फोन, लॅपटॉप, टीव्ही किंवा इतर महागडी इलेक्ट्रॉनिक वस्तू घेण्याचा विचार करत असाल, तर बिग बिलियन डेज सेलवर लक्ष ठेवू शकता. मात्र, केवळ सेल आहे म्हणून लगेच खरेदी करण्याऐवजी इतर ऑनलाइन प्लॅटफॉर्मवरील किंमतीही तपासणे महत्त्वाचे आहे.

बँक डिस्काउंट, एक्सचेंज बोनस आणि नो-कॉस्ट ईएमआयच्या अटीही नीट पाहा. सध्या ९ ऑक्टोबर ही सेल सुरू होण्याची तारीख लीक झालेली आहे. फ्लिपकार्टकडून अधिकृत घोषणा झाल्यानंतरच अंतिम तारीख आणि ऑफर्स निश्चित होतील.