Actress Madhuri Dixit : बॅालीवूडमधील ‘धकधक गर्ल’ म्हणून ओळखली जाणारी अभिनेत्री माधुरी दिक्षित तिच्या चित्रपटांमुळे प्रेक्षकांच्या मनावर अधिराज्य गाजवत आली आहे. ९० च्या दशकात तिच्या चित्रपटांची प्रेक्षक आतुरतेने वाट पाहत असायचे. तो तिचा सुवर्ण काळ होता असे म्हटले तरी वावगे वाटू नये. माधुरीने त्या काळात अनेक हिट चित्रपट इंडस्ट्रीला दिले. त्याच काळत माधुरीने ‘दयावान’ नावाचा चित्रपट केला होता. या चित्रपटात तिने दिवंगत अभिनेते विनोद खन्ना यांच्यासोबत पहिल्यांदाच स्क्रीन शेअर केली होती. १९८८ मध्ये प्रदर्शित झालेला हा चित्रपट एका कारणामुळे मोठा चर्चेत आला होता. माधुरीने विनोद खन्ना यांच्यासोबत एक इंटिमेट सीन केला होता. या सीनबाबत बऱ्याच वर्षांनंतर माधुरीने एका मुलाखतीत मोठा खुलासा केला आहे. माधुरी तिच्या ‘मिसेस देशपांडे’ या वेबसिरीजमुळे चर्चेत असून ती अनेक ठिकाणी सिरीजच्या प्रमोशनसाठी मुलाखती देत आहे. रिपोर्टनुसार, माधुरी आणि विनोद यांच्यामध्ये बोल्ड इंटिमेट सीन्स शूट करण्यात आले होते. विनोद यांनी मर्यादा ओलांडली. शूट करताना कट म्हटल्यानंतरही ते माधुरीला किस करत राहिले आणि तिचे ओठही चावले. यामुळे माधुरीला धक्का बसला आणि ती रडू लागली. हा सीन चित्रपटातून काढून टाकण्याची विनंती तिने केली होती. पण फिरोज खान यांनी तो सीन चित्रपटात ठेवला. या सीनमुळे तिच्या मनावर खूप मोठा परिणाम झाला होता. दयावान या चित्रपटानंतर ती कधीही विनोद खन्ना यांच्यासोबत चित्रपटात दिसली नाही. माधुरीने केला मोठा खुलासा अभिनेत्री माधुरी दिक्षितने मुलाखतीत याविषयी बोलताना इंटिमेट सीनवर भाष्य केले आहे. मला पूर्वी वाटायचं की, शिकण्याची प्रक्रिया आहे. तुम्ही प्रत्येक गोष्टीतून शिकता. मी त्यातून काहीतरी शिकले. पण या सीनमुळे मला खूप लाज वाटली. त्यानंतर, मी असे सीन न करण्याचं ठरवलं, अशी प्रतिक्रिया माधुरीने दिली. विनोद खन्ना यांनी नंतर माधुरीची माफी मागितली होती. जेव्हा तिने चित्रपट साइन केला तेव्हा तिला या सीनबद्दल कोणतीच कल्पना नव्हती, असा मोठा खुलासा तिने केला आहे. दरम्यान, जिओ हॅाटस्टार या ओटीटीवर माधुरीची एक नवीन वेबसिरीज १९ डिसेंबरला प्रदर्शित झाली आहे. या वेबरिरीजचे नाव मिसेस देशपांडे असून, नेटफिक्ल्सवर तिची फेम गेम ही वेबसिरीजला चांगला प्रतिसाद प्रेक्षकांकडून मिळाला होता. त्यानंतर ती पुन्हा एकदा वेबविश्वात मिसेस देशपांडे वेबसिरीच्या माध्यमातून प्रेक्षकांच्या भेटीला आली आहे. हेही वाचा : क्रीडाखाते कुणाला मिळणार? ३ माजी मंत्री, ३ नव्या चेहऱ्यांच्या नावांची चर्चा; अजित पवारांच्या निर्णयाकडे लक्ष
