९० च्या दशकात अभिनेत्री ममता कुलकर्णीने इंडस्ट्रीवर राज्य केले. तिच्यासोबत काम करण्याची इच्छा अनेक अभिनेत्यांची होती. चित्रपटामधून आपल्या दिलखेचक अदांनी तिने अनेकांना घायळ केलं. माधुरी दिक्षित, श्रीदेवी, रविना टंडन या अभिनेत्रींनी जसा एक काळ गाजवाला होता. तसाच काही काळ ममता कुलकुर्णीनेही गाजवला. पण २००० मध्ये तिने अचानक भारत देश सोडला आणि परदेशात जाऊन बॅालीवूडला अलविदा केलं

आता अनेक वर्षांच्या प्रतिक्षेनंतर ममता कुलकर्णी भारतात परतली आणि आपण संन्यास घेणार असे तिने सांगितले. त्यानंतर तिने संन्यासी आयुष्याच जगण्याचा निर्णय घेतला. किन्नर आखाड्याच्या महामंडलेश्वर पदी तिची नियुक्ती करण्यात आली. पण काही गोष्टींमुळे तिची या पदावरून हकालपट्टी करण्यात आली आहे. यामुळे सर्वत्र ममता कुलकर्णी हा विषय चांगलाच चर्चाचा झाला आहे. एका मुलाखती दरम्यान ममताने मासिकासाठी केलेल्या सेमी न्यूड फोटोशूटबद्दल मोठा खुलासा केला आहे.

याची मला कल्पना नव्हती

या मुलाखती दरम्यान सेमी न्यूड फोटोशूटसाठी तिने टॉपलेस पोज का दिली? यावर ममताने ‘त्यावेळी मी नववीत शिकत होते. स्टारडस्ट टीमने मला डेमी मूरचे चित्र दाखवले, जे मला अश्लील वाटले नाही. कधीही अश्लील किंवा अश्लील व्हिडिओ पाहिला नाही. जेव्हा मी सेमी न्यूड फोटोशूट केले, तेव्हा मला याची माहितीही नव्हती, असा खुलासा ममताने या मुलाखतीवेळी केला.

‘ती’ पूर्ण संन्यासी आता बॅालीवूडमध्ये…

अभिनेत्री ममता कुलकर्णीची अनेक गाणी ही बोल्ड स्वरुपाची असल्याची असे सातत्याने सांगितले जाते. या गाण्यांवर ती नाचायची पण तिचे संपूर्ण लक्ष गीतापेक्षा नृत्यावर असायचे असे स्पष्टीकरण ममताने दिले आहे. आता तिला बॉलिवूडमध्ये परतण्याची इच्छा नाही. ती पूर्ण संन्यासी बनली आहे आणि तिला पुन्हा इंडस्ट्रीत पाऊल ठेवायचे नाही, असे स्पष्टीकरण तिने या मुलाखती दरम्यान दिले आहे. ममतावर महामंडलेश्वर पदासाठी मोठी रक्कम दिल्याचा आरोप होता. मात्र, तिने आरोपांना स्पष्टपणे नकार देत हे आरोप पूर्णपणे खोटे असल्याचे सांगितले.