Wheat Export :  केंद्र सरकारने गव्हाच्या निर्यातीवरील बंदी तातडीने उठवली आहे. यामध्ये ड्युरम गव्हाच्या धान्याचाही समावेश आहे. त्यामुळे आता भारतातून गव्हाची निर्यात करण्यास परवानगी मिळणार आहे.

वाणिज्य मंत्रालयाच्या परकीय व्यापार महासंचालनालयाने (DGFT) जारी केलेल्या अधिसूचनेनुसार, गव्हाची निर्यात धोरण ‘प्रतिबंधित’ श्रेणीतून ‘मुक्त’ करण्यात आले आहे. त्याचबरोबर गव्हाचे पीठ, मैदा आणि रवा यांसारख्या उत्पादनांच्या निर्यातीसही परवानगी देण्यात आली आहे.

यापूर्वी फेब्रुवारीमध्ये सरकारने गव्हाच्या मर्यादित निर्यातीला परवानगी दिली होती. आता मात्र निर्यातीवरील निर्बंध पूर्णपणे हटवण्यात आल्याने भारतीय गहू आणि गव्हापासून तयार होणाऱ्या उत्पादनांना परदेशी बाजारपेठेत पाठवण्याचा मार्ग मोकळा झाला आहे.