Sanju Samson : येत्या काही दिवसांवर आशिया कप 2025 ला सुरूवात होणार आहे. मात्र, त्यापूर्वी टीम इंडियासाठी एक चिंताजनक बातमी समोर आली आहे. भारताचा स्टार विकेटकीपर-फलंदाज संजू सॅमसन याची तब्येत अचानक बिघडली आहे. त्याची पत्नी चारुलता हिने फोटो शेअर करत याबाबत माहिती दिली आहे. त्यामुळे आता संसू सॅमसनला नक्की झालंय तरी काय? असा प्रश्न विचारला जात आहे. याबाबत महत्वाची माहिती समोर आली आहे. संसू सॅमसनची पत्नी चारुलता हिने बेडवर संजू सॅमसन झोपलेला आणि त्याच्या हाताला सलाईन असलेला फोटो 21 ऑगस्ट या दिवशी सोशल मीडियावर पोस्ट केला होता. त्यानंतर चाहत्यांची धाकधूक वाढली. आता त्याच्या प्रकृतीबाबत महत्वाची अपडेट समोर आली आहे. मिळालेल्या माहितीनुसार, संजू सॅमसनला ताप आणि खोकल्याचा त्रास जाणवत होता. म्हणून त्याला रुग्णालयात दाखल करण्यात आलं होतं. मात्र, आता त्याची प्रकृती स्थिर असल्याची माहिती आहे. आशिया कप २०२५ ची सुरूवात ९ सप्टेंबरपासून होणार असून २८ सप्टेंबर या दिवशी अंतिम सामाना खेळला जाणार आहे. टीम इंडियात संजू सॅमसनला स्थान मिळालं आहे. त्यामुळे त्याच्या प्रकृतीबाबत काही काळजी करण्यासारखं कारण नसून तो आशिया कप सुरू होण्यापूर्णी तंदरुस्त होईल, असा विश्वास व्यक्त केला जात आहे. आशिया कप 2025 साठी भारताचा संघ सूर्यकुमार यादव (कर्णधार), शुभमन गिल (उपकर्णधार), अभिषेक शर्मा, तिलक वर्मा, हार्दिक पंड्या, शिवम दुबे, अक्षर पटेल, जितेश शर्मा (यष्टीरक्षक), जसप्रीत बुमराह, अर्शदीप सिंग, वरुण चक्रवर्ती, कुलदीप यादव, संजू सॅमसन (यष्टीरक्षक), हर्षित राणा, रिंकू सिंग. स्टँडबाय खेळाडू : यशस्वी जैस्वाल, प्रसीद कृष्णा, वॉशिंग्टन सुंदर, रियान पराग आणि ध्रुव जुरेल. हेही वाचा : पंजाबमध्ये LPG टँकरचा स्फोट; २ ठार, १०० हून अधिक जखमी, भयावह व्हिडिओने हाहाकार
