दिल्ली – उत्तर-पश्चिम भारतातील काही भागात पुढील तीन ते चार दिवस दाट ते धुकं राहण्याची शक्यता आहे तर काही ठिकाणी पाऊस पडणार असल्याचं भारतीय हवामान खात्याकडून नुकतेच सांगण्यात आले आहे. भारतीय हवामान खात्याने म्हणण्याप्रमाणे, रविवारपासून एकामागून एक, दोन चा पश्चिम हिमालयीन भागावर परिणाम होईल.

हवामान खात्याने म्हंटल आहे की,   चक्रीवादळ वाऱ्याचा पश्चिम उत्तर प्रदेश आणि लगतच्या भागांवर परिणाम होण्याची शक्यता आहे. त्याचप्रमाणे दाट धुक्याचा अंदाज वर्तवला आहे.

पुढील दोन दिवसांत, पश्चिम हिमालयीन प्रदेश, पंजाब, हरियाणा, चंदीगड, दिल्ली, मध्य प्रदेश आणि राजस्थानच्या विलग भागांमध्ये रात्री आणि सकाळी पावस पडण्याची शक्यता आहे. तर ओडिशा आणि झारखंडमध्ये पुढील चार दिवस आणि 18 ते 20 जानेवारीपर्यंत पूर्व उत्तर प्रदेशात दाट धुकं आच्छादित रहाण्याची  शक्यता आहे.  याचबरोबर किनारपट्टी आंध्र प्रदेशात आणि पुढील चार ते पाच दिवस रायलसीमा, तामिळनाडू, केरळ आणि माहे येथे हलका ते मध्यम पाऊस पडेल, असे हवामान खात्याने सांगितले आहे.

या राज्यांमध्ये कडाक्याची थंडी
पुढील दोन दिवसांत पंजाब, हरियाणा, चंदीगड, दिल्ली, उत्तर प्रदेश, मध्य प्रदेश आणि राजस्थानच्या वेगळ्या भागात कडाक्याची थंडी पडू शकते. तर पुढील 24 तासांत पूर्व राजस्थानच्या काही भागात थंड वातावरण असेल.