Washing Machine Cleaning: वॉशिंग मशीन आपले कपडे स्वच्छ ठेवते, पण आपण मशीनची स्वच्छता मात्र अनेकदा दुर्लक्षित करतो. त्यामुळे मशीनच्या ड्रममध्ये हळूहळू घाण, डिटर्जंटचे अवशेष आणि बुरशी साचू लागते. यामुळे मशीनमधून वास येऊ लागतो आणि कपड्यांवर पांढरे डागही दिसू शकतात. म्हणूनच वेळोवेळी वॉशिंग मशीनची नीट साफसफाई करणं खूप गरजेचं आहे. चांगली गोष्ट म्हणजे, यासाठी तुम्हाला मेकॅनिकला बोलावण्याची गरज नाही. घरच्या घरी सोप्या उपायांनी तुम्ही मशीन स्वच्छ ठेवू शकता. सर्वात सोपा आणि प्रभावी उपाय म्हणजे व्हिनेगर (सिरका) आणि बेकिंग सोडा वापरणे. मशीनच्या ड्रममध्ये दोन कप पांढरा व्हिनेगर टाका आणि ‘हॉट वॉटर’ सायकल चालू करा. जर तुमचं मशीन सेमी-ऑटोमॅटिक असेल, तर साध्या पाण्यातही हा उपाय करता येतो. व्हिनेगरमुळे ड्रममध्ये साचलेले खारट पाण्याचे डाग आणि घाण सहज निघून जाते. त्यानंतर अर्धा कप बेकिंग सोडा टाकून पुन्हा एक छोटा सायकल चालवा. यामुळे ड्रममधील दुर्गंधी आणि बॅक्टेरिया पूर्णपणे नष्ट होतात आणि मशीन आतून अगदी नवीनसारखी होते. Washing Machine Cleaning Washing Machine Cleaning फक्त ड्रम साफ करणं पुरेसं नाही, तर फिल्टर आणि रबर गॅस्केटची स्वच्छता देखील महत्त्वाची आहे. विशेषतः फ्रंट लोड मशीनमध्ये रबरच्या रिंगमध्ये घाण आणि ओलावा जास्त साचतो. जुना टूथब्रश आणि साबणाच्या पाण्याने ही जागा नीट घासून स्वच्छ करा. तसेच मशीनखाली असलेला ड्रेन फिल्टर उघडून त्यात अडकलेली नाणी, धागे किंवा चिखल काढून टाका. फिल्टर जाम झाल्यास पाणी बाहेर जाण्यास अडथळा निर्माण होतो आणि मशीनवर ताण येतो. Washing Machine Cleaning याशिवाय, डिटर्जंट ट्रे आणि बाहेरील भागाची स्वच्छता देखील आवश्यक आहे. डिटर्जंट ट्रे काढून कोमट पाण्यात भिजवून स्वच्छ करा, जेणेकरून साचलेला पावडर पूर्णपणे निघून जाईल. मशीनचा बाहेरील भाग ओल्या कापडाने आणि हलक्या क्लीनरने पुसा. बटण आणि पॅनेलजवळ साचलेली धूळही काळजीपूर्वक काढा. एक महत्त्वाची सवय म्हणजे प्रत्येक धुलाईनंतर मशीनचा दरवाजा 15-20 मिनिटे उघडा ठेवणे. यामुळे आतली ओलावा सुकतो आणि बुरशी किंवा वास निर्माण होत नाही. तज्ञांच्या मते, महिन्यातून किमान एकदा वॉशिंग मशीनची डीप क्लिनिंग करणे आवश्यक आहे. बाजारात मिळणाऱ्या ड्रम क्लिनिंग टॅबलेट्सचा वापर करता येतो, पण व्हिनेगर आणि बेकिंग सोडा हा सर्वात स्वस्त आणि सुरक्षित पर्याय आहे. स्वच्छ मशीनमुळे वीज आणि पाण्याची बचत होते, तसेच कपड्यांचं नुकसान होण्याचाही धोका कमी होतो. या छोट्या-छोट्या टिप्स पाळल्यास तुमचं वॉशिंग मशीन दीर्घकाळ चांगल्या स्थितीत राहील आणि तुम्ही मेकॅनिकच्या खर्चापासूनही वाचू शकता.
