Vivo T4 5G : व्हिवोने भारतात आपला नवीन 5G स्मार्टफोन Vivo T4 5G लॉन्च केला आहे. याची सुरुवाती किंमत 21,999 रुपये आहे. उत्कृष्ट कामगिरी, दमदार बॅटरी आणि नवीन AI फीचर्स शोधणाऱ्या वापरकर्त्यांना लक्षात घेऊन कंपनीने हा फोन सादर केला आहे. यात 7,300mAh बॅटरी आणि आर्टिफिशियल इंटेलिजन्स (AI) आधारित अनेक अत्याधुनिक फीचर्स देण्यात आले आहेत.

Vivo T4 5G: डिस्प्ले वैशिष्ट्ये-

Vivo T4 5G मध्ये 6.77 इंचांचा क्वाड-कर्व्ड AMOLED डिस्प्ले आहे. याचा रिफ्रेश रेट 120 हर्ट्झ आहे, तर ब्राइटनेस 5,000 निट्सपर्यंत वाढवता किंवा कमी करता येते. डिस्प्लेवर शील्ड ग्लासचे संरक्षण आहे. या फोनला IP65 रेटिंग मिळाले आहे, म्हणजेच तो धूळ आणि हलक्या पाण्यापासून सुरक्षित आहे.

Vivo T4 5G: AI फीचर्सने सुसज्ज –

या फोनमध्ये AI Erase, AI Photo Enhance, Live Text, AI Note Assistant, Super Documents आणि Circle to Search यासारखे प्रगत जनरेटिव्ह AI फीचर्स आहेत, जे स्मार्टफोनचा अनुभव अधिक उपयुक्त आणि स्मार्ट बनवतात.

Vivo T4 5G: बॅटरी आणि कामगिरी –
Vivo T4 5G मध्ये 7,300mAh ची दमदार बॅटरी आहे, जी 90W फास्ट चार्जरने चार्ज करता येते. हा चार्जर फोनच्या बॉक्समध्ये दिला जाईल. फोनमध्ये Snapdragon 7s Gen 3 चिपसेट आहे, ज्याला 12GB पर्यंत RAM आणि 256GB स्टोरेजचा पर्याय मिळतो. हा डिव्हाइस Android 15 आधारित Funtouch OS 15 वर चालतो.

Vivo T4 5G: कॅमेरा सेटअप –

फोनमध्ये 50MP OIS सपोर्टेड मुख्य कॅमेरा, 2MP बोकेह लेन्स आणि 32MP फ्रंट कॅमेरा आहे, ज्यामुळे उत्तम फोटो आणि व्हिडिओ क्वालिटी मिळते.

Vivo T4 5G: सॉफ्टवेअर अपडेट्स –

कंपनीने सांगितले की, Vivo T4 5G ला 2 वर्षांचे Android सिस्टम अपडेट्स आणि 3 वर्षांचे सिक्युरिटी अपडेट्स मिळतील. यामुळे वापरकर्त्यांना उत्तम कामगिरीसह सुरक्षिततेचाही लाभ मिळेल.

Vivo T4 5G: किंमत आणि उपलब्धता –
Vivo T4 5G ची सुरुवाती किंमत 21,999 रुपये आहे. यात 8GB/128GB बेस व्हेरिएंट, 8GB/256GB मिड व्हेरिएंट 23,999 रुपये आणि 12GB/256GB टॉप व्हेरिएंट 25,999 रुपये आहे. हा फोन Phantom Grey आणि Emerald Blaze या दोन रंग पर्यायांमध्ये उपलब्ध असेल.

Vivo T4 5G: विक्री कधीपासून?
Vivo T4 5G ची विक्री देशभरात 29 एप्रिलपासून सुरू होईल. हा फोन Flipkart, Vivo च्या अधिकृत वेबसाइटवर आणि निवडक रिटेल स्टोअर्सवर उपलब्ध असेल.