Virat Rohit Matches Live Telecast Updates : भारतीय क्रिकेटचे दोन दिग्गज खेळाडू, विराट कोहली आणि रोहित शर्मा यांनी प्रदीर्घ काळानंतर देशांतर्गत क्रिकेटमध्ये पुनरागमन केले आहे. विजय हजारे करंडक स्पर्धेत या दोघांनीही झंझावाती शतके झळकावून आपण आजही ‘किंग’ असल्याचे सिद्ध केले. मात्र, या दिग्गजांची फलंदाजी टीव्हीवर पाहता येत नसल्यामुळे क्रिकेट चाहत्यांमध्ये संतापाचे वातावरण आहे. विराट आणि रोहितचा शानदार फॉर्म – सुमारे १५ वर्षांनंतर विजय हजारे ट्रॉफी खेळणाऱ्या विराट कोहलीने आंध्र प्रदेशविरुद्ध दिल्लीसाठी खेळताना १०१ चेंडूत १३१ धावांची तडाखेबंद खेळी केली. यामध्ये १४ चौकार आणि ३ षटकारांचा समावेश होता. दुसरीकडे, मुंबईकडून खेळताना रोहित शर्माने सिक्कीमविरुद्ध केवळ ९४ चेंडूत १५५ धावांची वादळी खेळी करत चाहत्यांची मने जिंकली. रोहितच्या या खेळीत १८ चौकार आणि ९ उत्तुंग षटकारांचा समावेश होता. लाईव्ह टेलिकास्ट नसल्यामुळे चाहत्यांचा संताप – इतक्या मोठ्या खेळाडूंच्या पुनरागमनाचे सामने टीव्हीवर थेट प्रक्षेपित न झाल्याने सोशल मीडियावर बीसीसीआयवर (BCCI) टीकेची झोड उठली आहे. चाहत्यांना अपेक्षेप्रमाणे या खेळींचे थेट दर्शन झाले नाही. पुढील सामन्यांबाबत काही आशादायक बातम्या येतील असे वाटले होते, परंतु आता समोर आलेली माहिती चाहत्यांसाठी पुन्हा एकदा निराशाजनक आहे. हेही वाचा – Shreyas Iyer Injury : श्रेयस अय्यरच्या दुखापतीबाबत मोठी अपडेट आली समोर; मैदानात कधी परतणार? जाणून घ्या पुढील सामन्यांचे वेळापत्रक आणि थेट प्रक्षेपण – २६ डिसेंबर रोजी होणाऱ्या सामन्यांबाबत स्टार स्पोर्ट्सने स्पष्ट केले आहे की, केवळ झारखंड विरुद्ध राजस्थान आणि आसाम विरुद्ध जम्मू-काश्मीर या सामन्यांचेच थेट प्रक्षेपण केले जाईल. याचा अर्थ असा की: विराट कोहलीचा (दिल्ली) विरुद्ध गुजरात सामना. रोहित शर्माचा (मुंबई) विरुद्ध उत्तराखंड सामना. हेही वाचा – Year Ender 2025 : करुण ते इशानपर्यंत; २०२५ मध्ये ‘या’ पाच भारतीय खेळाडूंनी दमदार कमबॅकने सिद्ध केली आपली जिद्द! या दोन्ही महत्त्वाच्या सामन्यांचे ना टीव्हीवर थेट प्रक्षेपण होणार आहे, ना कोणतीही लाईव्ह स्ट्रीमिंग उपलब्ध असेल. चाहत्यांसाठी एकच पर्याय उरला आहे. तो म्हणजे ज्यांना रोहित-विराटची फलंदाजी पाहायची आहे, ते स्टेडियमवर जाऊन प्रत्यक्ष सामन्याचा आनंद घेऊ शकतात. अन्यथा, या दोन्ही स्टार खेळाडूंच्या कामगिरीसाठी चाहत्यांना केवळ स्कोअरकार्डवरच अवलंबून राहावे लागणार आहे.
