ICC ODI World Cup 2023 India vs South Africa Virat Kohli Birthday : कोलकात्याच्या ईडन गार्डन्सवर आज भारत आणि दक्षिण आफ्रिका यांच्यात वर्ल्ड कप 2023 चा 37 वा सामना खेळला जात आहे. या सामन्यात सर्वांच्या नजरा विराट कोहलीवर आहेत. आज त्यांचा वाढदिवसही आहे. विराट 35 वर्षांचा झाला आहे. सचिन तेंडुलकरच्या वनडेतील 49 शतकांच्या विक्रमापासून तो एक शतक दूर आहे. विराटने त्याच्या वाढदिवशी या विक्रमाशी बरोबरी केली तर चाहत्यांसाठी ती भेटवस्तूपेक्षा कमी नसेल. विराटच्या नावावर आतापर्यंत 48 वनडे शतके आहेत.

कोलकाता येथील ईडन गार्डन्सवर भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला असून सध्या, भारताची धावसंख्या 19 षटकात 2 बाद 121 धावा झालेल्या आहेत. सध्या क्रीजवर विराट कोहली हा 36*(36) तर श्रेयस अय्यर 11*(30) धावांवर खेळत आहे.

विराट वर्ल्ड कपमध्ये जबरदस्त फॉर्ममध्ये…

या विश्वचषकात विराटचा विक्रमही उत्कृष्ट ठरला आहे. त्याने सात सामन्यांच्या सात डावात 88.40 च्या सरासरीने 442 धावा केल्या आहेत. यामध्ये एक शतक आणि चार अर्धशतकांचा समावेश आहे. यापूर्वीच्या काही प्रसंगी तो शतक झळकावण्यास मुकला होता. मात्र, विराट या सामन्यात शतक झळकावून चाहत्यांना आनंदी होण्याची संधी देऊ इच्छितो. विराटने आतापर्यंत वनडेमधील 288 सामन्यांच्या 276 डावांमध्ये 58.05 च्या उत्कृष्ट सरासरीने 13,525 धावा केल्या आहेत. यामध्ये 48 शतके आणि 70 अर्धशतके आहेत. 183 धावा ही त्याची सर्वोत्तम धावसंख्या आहे.

514 intl. matches & counting 🙌
26,209 intl. runs & counting 👑

2⃣0⃣1⃣1⃣ ICC World Cup & 2⃣0⃣1⃣3⃣ ICC Champions Trophy winner 🏆

Here’s wishing Virat Kohli – Former #TeamIndia Captain & one of the greatest modern-day batters – a very Happy Birthday!👏🎂 pic.twitter.com/eUABQJYKT5

— BCCI (@BCCI) November 5, 2023

दक्षिण आफ्रिकेविरुद्ध विराटचा विक्रम…

दक्षिण आफ्रिकेविरुद्धचा रेकॉर्ड चांगला असल्याने विराटची शतकी खेळी करण्याची शक्यताही जास्त आहे. या संघाविरुद्धच्या 30 एकदिवसीय सामन्यांच्या 28 डावांमध्ये त्याने 61 च्या सरासरीने आणि 85.92 च्या स्ट्राईक रेटने 1403 धावा केल्या आहेत. यामध्ये चार शतके आणि आठ अर्धशतकांचा समावेश आहे. दक्षिण आफ्रिकेविरुद्ध एकदिवसीय सामन्यात विराटची सर्वोत्तम धावसंख्या नाबाद 160 आहे. मात्र, तो या संघाविरुद्ध ईडन गार्डन्सवर एकदिवसीय सामन्यात खेळला नाही. विराटचा ईडन गार्डन्सवर चांगला रेकॉर्ड आहे आणि तो या मैदानावर वनडेमध्ये भारतीय फलंदाजांमध्ये तिसरा सर्वाधिक धावा करणारा खेळाडू आहे. विराटने सात सामन्यांच्या सात डावांमध्ये 47.14 च्या सरासरीने 330 धावा केल्या आहेत. यामध्ये एक शतक आणि तीन अर्धशतकांचा समावेश आहे.

दक्षिण आफ्रिकेविरुद्ध भारतीय खेळपट्टीवर विक्रम….

तिन्ही फॉरमॅटसह विराटने ईडन गार्डन्सवर 16 सामने खेळले आहेत. त्याने 19 डावात 46.58 च्या सरासरीने 792 धावा केल्या आहेत. यामध्ये तीन शतके आणि पाच अर्धशतकांचा समावेश आहे. दक्षिण आफ्रिकेविरुद्धच्या भारतीय खेळपट्ट्यांवर विराटचा विक्रमही उत्कृष्ट आहे. भारतातील या संघाविरुद्ध त्याने नऊ सामन्यांच्या आठ डावांत 41.75 च्या सरासरीने 334 धावा केल्या आहेत. यामध्ये एक शतक आणि दोन अर्धशतकांचा समावेश आहे. अशा स्थितीत विराट आज शतक झळकावून चाहत्यांना पुन्हा एकदा जल्लोषाची संधी देईल, अशी अपेक्षा आहे.

विराट वाढदिवसाच्या दिवशी शतक करू शकेल का?

विराटच्या यंदाच्या वनडेतील विक्रमाबद्दल बोलायचे झाले तर त्याने 23 सामन्यांच्या 20 डावांमध्ये 65.88 च्या सरासरीने 1054 धावा केल्या आहेत. यामध्ये चार शतके आणि सहा अर्धशतकांचा समावेश आहे. नाबाद 166 ही त्याची सर्वोत्तम धावसंख्या होती. या विश्वचषकात आतापर्यंत विराटने 85 धावा, नाबाद 55, 16 धावा, नाबाद 103, 95 धावा, शून्य आणि 88 धावा अशा खेळी केल्या आहेत. जर त्याने आज शतक केले तर तो एकदिवसीय क्रिकेटमध्ये त्याच्या वाढदिवशी शतक ठोकणारा सातवा खेळाडू ठरेल. टॉम लॅथम, रॉस टेलर, सनथ जयसूर्या, मिचेल मार्श, सचिन तेंडुलकर आणि विनोद कांबळी यांनी यापूर्वी ही कामगिरी केली आहे.

वाढदिवशी शतक झळकावणारे खेळाडू (ODI Cricket)

टॉम लॅथम -140* विरुद्ध नेदरलँड्स 02/04/2022
रॉस टेलर -131* विरुद्ध पाकिस्तान 08/03/20111
सनथ जयसूर्या -130 विरुद्ध बांगलादेश 30/06/2008
मिचेल मार्श -121 विरुद्ध पाकिस्तान 20/10/2023
सचिन तेंडुलकर -134 विरुद्ध ऑस्ट्रेलिया 24/04/1998
विनोद कांबळी -100* विरुद्ध इंग्लंड 18/01/1993