Vinesh Phogat । हरियाणाच्या नायब सिंग सैनी सरकारने अलिकडेच माजी कुस्तीगीर आणि काँग्रेस नेत्या विनेश फोगट यांना ऑलिंपिक पदक विजेत्या बक्षीस म्हणून ४ कोटी रुपये दिले. विनेश फोगटने ही ऑफर स्वीकारली, पण त्यावर त्यांनी नाराजी व्यक्त केली आहे.  हरियाणा सरकारने त्यांना तीन सुविधांपैकी एक निवडण्यास सांगितले होते, ज्यामध्ये चार कोटी रुपये, एक सरकारी जमीन आणि एक सरकारी नोकरी यांचा समावेश होता. विनेश फोगटला यापैकी एक नाही तर दोन सुविधांचा लाभ घ्यायचा होता.

आता यावर प्रतिक्रिया देताना सार्वजनिक बांधकाम मंत्री रणबीर गंगवा यांनी विनेश फोगट यांना सल्ला दिला आहे. त्यांनी,”विनेश फोगटने खेळात राजकारण करू नये” असे म्हटले आहे. मंत्री रणबीर गंगवा म्हणाले, “विनेशला ऑलिंपिकमधून अपात्र ठरवल्यानंतरही, हरियाणा सरकारने तिचा सन्मान केला. काँग्रेस आमदार विनेश फोगट यांना सन्मानित करणे नियमांनुसार नाही, परंतु मुख्यमंत्री नायब सैनी यांनी त्यांचे वचन पूर्ण केले आहे.”असे म्हणत त्यांनी काँग्रेससह फोगट यांच्यावर टीका केलीय.

ऑलिंपिक पदकांपैकी अर्धी पदके हरियाणाची  Vinesh Phogat । 
मंत्री रणबीर गंगवा दादरी येथील राष्ट्रीय सर्कल कबड्डी स्पर्धेत पोहोचले होते, जिथे त्यांनी सांगितले की सरकारने विशेष मंत्रिमंडळ बैठकीत विनेश फोगटचा सन्मान करण्याचा निर्णय घेतला आहे. विनेशला आधी ऑफर देण्यात आली होती, आता तिने ती पूर्ण केली आहे.

सार्वजनिक बांधकाम मंत्री म्हणाले की, हरियाणाच्या क्रीडा धोरणामुळेच खेळाडू परदेशात झेंडा फडकवत आहेत. सरकारने खेळाडूंना चांगल्या सुविधा दिल्या आहेत. ऑलिंपिकमधील अर्ध्याहून अधिक पदके हरियाणाने जिंकली आहेत.

काँग्रेसमधील गटबाजीवरही हल्लाबोल Vinesh Phogat । 
काँग्रेसवर टीका करताना नायब सिंग सैनी यांचे मंत्री म्हणाले, “काँग्रेस हा पक्ष नाही तर वेगवेगळ्या गटांमध्ये विभागलेला आहे. विचारांमध्ये समानता नसल्याने तो गटांमध्ये विभागलेला आहे. यामुळेच आतापर्यंत विरोधी पक्षाचा नेता निवडला गेला नाही. आता सरकारच्या कामावर बोट दाखवण्यासाठी कोणताही विरोधी पक्ष शिल्लक नाही.”

हेही वाचा
एका आठवड्यात सोन्याच्या किमतींनी गाठलं शिखर ; १० ग्रॅमला मिळाला ‘हा’ दर