Political News : तामिळनाच्या राजकारणात एका आमदाराच्या वक्तव्यामुळे मोठी खळबळ उडाली आहे. आमदार अनिथा राधाकृष्णन यांनी मुख्यमंत्री विजय यांच्या नेतृत्वाखालील TVK सरकारवर जोरदार टीका करत हे सरकार सहा महिनेही टिकणार नसल्याचा दावा केला आहे. (Political News ) दक्षिण तामिळनाडूमधील एका पक्ष कार्यक्रमात बोलताना राधाकृष्णन यांनी, “विजय यांच्या नेतृत्वाखालील सरकार लवकरच कोसळेल आणि स्टालिन पुन्हा मुख्यमंत्रीपदी परततील,” असं वक्तव्य केलं. (Political News ) आधव अर्जुन यांना थेट आव्हान यावेळी त्यांनी TVK चे वरिष्ठ नेते आधव अर्जुन यांनाही थेट आव्हान दिलं. “हिम्मत असेल तर आमदारकीचा राजीनामा द्या, मीही राजीनामा देतो आणि मग तिरुचेंदूरमध्ये समोरासमोर निवडणूक लढवू,” असं राधाकृष्णन म्हणाले. (Political News ) तिरुचेंदूर मतदारसंघ हा गेली २५ वर्षे राधाकृष्णन यांचा मजबूत गड मानला जातो. त्यांनी २००१ मध्ये प्रथम विजय मिळवला होता आणि त्यानंतर विविध निवडणुकांमध्ये आपला प्रभाव कायम ठेवला आहे. (Political News ) स्टालिन यांचं समर्थन राधाकृष्णन यांनी यावेळी एम.के. स्टालिन यांचंही जोरदार समर्थन केलं. “आम्हाला आमचे ‘थलैवर’ स्टालिन यांनी त्रिचीमधून निवडणूक लढवावी असं वाटतं. त्यांनी कोलाथूर मतदारसंघाचा विकास सिंगापूरसारखा केला,” असं ते म्हणाले. (Political News ) दरम्यान, कोलाथूर मतदारसंघात स्टालिन यांचा पराभव झाल्यानंतरही त्यांनी त्यांच्यावर विश्वास व्यक्त केला. “चार ते सहा महिन्यांत आमचे नेते पुन्हा मुख्यमंत्री होतील,” असा दावाही त्यांनी केला. (Political News ) या वक्तव्यांमुळे तामिळनाडूच्या राजकीय वर्तुळात चर्चांना उधाण आलं असून, विजय यांच्या कार्यालयाकडून किंवा TVK पक्षाकडून अद्याप कोणतीही अधिकृत प्रतिक्रिया देण्यात आलेली नाही. (Political News )
