Muslim Candidate Lok Sabha Election 2024| यंदाच्या लोकसभा निवडणुकीत २४ मुस्लिम उमेदवारांचा विजय झाला आहे. यात एआयएमआयएमचे उमेदवार असदुद्दीन ओवेसीपासून तृणमूल काँग्रेसचे उमेदवार आणि पश्चिम बंगालमधील बहरामपूर येथील माजी क्रिकेटपटू युसूफ पठाण या उमेदवारांच्या नावाचा समावेश आहे. २०१९ मध्ये प्रमुख राष्ट्रीय आणि प्रादेशिक पक्षांच्या १३६ मुस्लिम उमेदवारांपैकी २६ विजयी झाले होते. यंदा यावेळी १८ व्या लोकसभेत या संख्येत घट झाली असली आहे.

लोकसभेच्या एकूण ५४३ पैकी २४ जागांवर मुस्लिम उमेदवार निवडून आले. लोकसभा निवडणुकीसाठी एकूण ७८ उमेदवार रिंगणात होते. यात सर्वाधिक सात जण काँग्रेसचे तर तृणमूल काँग्रेस आणि समाजवादी पक्षाचे पाच आणि चार सदस्य आहेत. तर आययूएमएल ३, एनसी २, अपक्ष २ आणि एमआयएम १ अशा उमेदवारांचा समावेश आहे.

यावेळी निवडणुकीत विजयी झालेल्या मुस्लिम उमेदवारांमध्ये धुबरी येथील रकीबुल हुसेन यांचा विजय मतांच्या फरकाच्या दृष्टीने महत्त्वाचा ठरला. आसामच्या धुबरी लोकसभा जागेवर काँग्रेसचे उमेदवार हुसैन यांनी ऑल इंडिया युनायटेड डेमोक्रॅटिक फ्रंटचे सुप्रीमो बदरुद्दीन अजमल यांचा विक्रमी फरकाने पराभव केला. राज्यातील काँग्रेस विधिमंडळ पक्षाचे उपनेते हुसेन यांना 14,71,885 मते मिळाली, तर अजमल यांना 4,59,409 मते मिळाली.

युसूफ पठाण 

युसूफ पठाण पहिल्यांदाच निवडणूक लढवत त्याने पश्चिम बंगालमधील मुर्शिदाबाद जिल्ह्यातील बहरामपूर लोकसभा मतदारसंघात काँग्रेस नेते आणि त्यांचे जवळचे प्रतिस्पर्धी अधीर रंजन चौधरी यांचा 85,022 मतांनी पराभव केला. उत्तर प्रदेशच्या सहारनपूरमधून काँग्रेसचे उमेदवार इम्रान मसूद यांनी 64,542 मतांनी विजय मिळवला, तर कैरानातील 29 वर्षीय समाजवादी पक्षाच्या उमेदवार इकरा चौधरी यांनी भाजपच्या प्रदीप कुमार यांचा 69,116 मतांनी पराभव केला.

 इकरा चौधरी 

उत्तर प्रदेशात सहारणपूर येथे काँग्रेसचे इम्रान मसूद, तर कैराना येथे ‘सपा’च्या युवा नेत्या इकरा चौधरी विजयी झाल्या. गाझिपूर येथे ‘सपा’चे अफजल अन्सारी यांनी भाजपचे पारसनाथ राय यांचा पराभव केला. अन्सारी यांनी त्यांचे निकटचे प्रतिस्पर्धी भाजपचे पारस नाथ राय यांचा 1,24,861 मतांनी पराभव केला. रामपूर येथे ‘सप’चे मोहिब्बुल्लाह तर संभल येथे झिया उर रेहमान विजयी झाले. केंद्रशासित प्रदेश लक्षद्वीपमध्ये काँग्रेसचे मुहम्मद हमदुल्लाह जिंकले. त्यांनी इंडिया आघाडीतीलच शरद पवार गटाचे खासदार मोहम्मद फैजल यांना पराभूत केले.

ई. टी. मोहम्मद बशीर

‘तृणमूल’तर्फे बसिरहाट येथे हाजी नुरूल इस्लाम, उलुबेरिया येथे सजदा अहमद, जंगीपूर येथे खलिलूर रेहमान आणि मुर्शिदाबाद येथे अबू ताहेर खान विजयी झाले. तामिळनाडूतील रामानंदपूरम येथे नवास्कानी के. यांनी तर केरळमधील पोन्नानी आणि मलप्पुरम येथे डॉ. एम. पी. अब्दुस्सामद सामादानी आणि ई. टी. मोहम्मद बशीर विजयी झाले आहेत.

असदुद्दीन ओवेसी

समाजवादी पक्षाच्या मोहिबुल्ला यांनी रामपूर मतदारसंघात ४,८१,५०३ मते मिळवून विजय मिळवला. एआयएमआयएमचे प्रमुख असदुद्दीन ओवेसी यांनी हैदराबादची जागा कायम ठेवली आहे. श्रीनगर लोकसभा मतदारसंघातून नॅशनल कॉन्फरन्सचे आगा सय्यद रुहुल्ला मेहदी विजयी झाले आहेत. नॅशनल कॉन्फरन्सचे नेते मियां अल्ताफ यांनी जम्मू-काश्मीरच्या माजी मुख्यमंत्री मेहबूबा मुफ्ती यांचा अनंतनाग-राजौरीमधून पराभव केला.

मोहम्मद हनीफा 

लडाखमध्ये, अपक्ष उमेदवार मोहम्मद हनीफा यांनी 27,862 मतांच्या फरकाने विजय मिळवला, तर दुसरा अपक्ष उमेदवार अब्दुल रशीद शेख यांनी 4.7 लाख मते मिळवून जम्मू-काश्मीरमधील बारामुल्ला मतदारसंघात विजय मिळवला. बिहारमध्ये कटिहारमधून काँग्रेसचे तारिक अन्वर विजयी झाले. दरम्यान, काँग्रेसकडे आता सर्वाधिक सात मुस्लिम खासदार आहेत.

हेही वाचा: 

दिल्लीतील कारखान्याला भीषण आग ; तीन जणांचा जागीच मृत्यू, सहा जण जखमी